Pous Clemens IV: Verskil tussen weergawes

'''Clemens IV''' was die 183ste [[pous]] van die [[Rooms-Katolieke Kerk]] van [[1265]] tot [[1268]] na 'n [[sedis vacatio]] van 116 dae.

 

'''Pous Clemens IV'''<ref>Clement IV. (2008). [[Encyclopædia Britannica]]. Deluxe Edition. Chicago: Encyclopædia Britannica.</ref> is gebore as '''Gui Faucoi''' (later '''le Gros''' (die dikke)) op [[23 November]] ongeveer in [[1195]] in [[Saint-Gilles-du-Gard]],naby [[Nîmes]] in [[Frankryk]]. Hy is die seun van Louis Faucoi en Marie Laure Salvanhiac. Op [[16 Januarie]] [[1239]] trou hy met Margueritte, dogter van Jacques en Cécile du Sault. Hy het twee dogters, Mabile, wat 'n non geword het in [[1267]] en oorlede is in [[1307]] en Cécile wat op [[2 Februarie]] [[1274]] trou met haar neef Pierre Ruffi. Gui was 'n wewenaar, 'n soldaat en regsgeleerde voordat hy tot die kerk toegetree het. Hy was ook die sekretaris van koning [[Lodewyk IX van Frankryk]] wat gesorg het dat hy later kardinaal geword het. Na die dood van sy vrou het hy priester geword en vinnig opgang gemaak in die kerk. In [[1256]] word hy biskop van Le Puy, in [[1259]] aartsbiskop van [[Narbonne]] en in Desember [[1261]] word hy as kardinaal van Sabina aangestel deur [[Pous Urbanus IV]].Die kardinale het op die konklaaf in Perigua vir vier maande argumenteer of hulle Karel van Anjou, die broer van Lodewyk IX van Frankryk sou vra om die oorlog teen die Hohenstaufen voort te sit, voordat hulle op [[5 Februarie]] [[1265]] Pous Clemens IV gekies het om [[Pous Urbanus IV]] op te volg. Hy word gekroon op [[22 Februarie]] [[1265]], regeer tot sy dood op [[29 November]] [[1268]] en word opgevolg deur [[Pous Gregorius X]].

Die naam ‘Clemens’ beteken 'sagmoedige'.

 

'''Pous Clemens IV'''<ref>Loughlin, J. (1908). Pope Clement IV. In The Catholic Encyclopedia. New York: Robert Appleton Company. Besoek September 12, 2008 by: http://www.newadvent.org/cathen/04019a.htm</ref> se pontifikaat word gekenmerk deur die stryd teen Manfred, die buite-egtelike familielid van keiser Frederik II van Hohenstaufen. Clemens was in Frankryk toe hy verkies is en moes Italië binnegaan in 'n vermomming. Hy het dadelik 'n alliansie gesluit met Karel van Anjou. Karel het met geld en troepe van die pous Napels aangeval. Hy verslaan en dood Manfred in die slag van Benevento op [[22 Februarie]] [[1266]]. By die daarop volgende slag van Tagliacozzo op [[23 Augustus]] [[1268]] word Conradin, die laaste Hohenstaufen, gevange geneem. Karel laat Conradin onthoof op die markplein in [[Napels]] op [[29 Oktober]] [[1268]].

 

Pous Clemens het volstrek geweier om sy familie te verryk. Hy was die Jode nie goed gesind nie en in [[1264]] het hy die Jode van Aragon opdrag gegee om hulle boeke aan die Dominikane te gee om dit te laat sensureer.<ref>Popper, William (1889). The censorship of Hebrew Books. Knickerbocker Press. pp 13-14</ref> Thomas Aquinas het aan die hof van die pous gewoon. Die pous is begrawe in Viterbo waar hy die hele tyd van sy pontifikaat gewoon het.

 

Pous Clemens IV het gekorrespondeer met die [[Mongolië|Mongoolse]] Khan Abaqa. Die khan het 'n Mongoolse ambassadeur na die pous gestuur. Abaqa het 'n alliansie voorgestel tussen sy troepe, die Westerse magte en die [[Bisantynse Ryk|Bisantynse]] keiser Michael VIII Palaeologos (Abaqa se skoonpa). In [[1267]] stuur die pous saam met James I van Aragon vir Jayme Alaric van Perpignan as ambassadeur na die Mongole. Jayme Alaric keer terug na Europa in [[1269]] met 'n versoek van die khan vir 'n alliansie. Die pous het die versoek op 'n nie-bindende manier beantwoord, maar wel die khan van die beplande [[kruistog]] vertel.

 

* [[26 Maart]] [[1268]] St. Hedwig, hertogin van [[Silesië]]<ref>Kirsch, J.P. (1910). St. Hedwig. In The Catholic Encyclopedia. New York: Robert Appleton Company. Besoek September 12, 2008 by: http://www.newadvent.org/cathen/07189a.htm</ref>

 

* Runciman, Steven. History of the Crusades.

 

{{Verwysings}}

 

{{En-Wikisource info|Catholic Encyclopedia (1913)/Pope Clement IV}}

* {{CE|http://www.newadvent.org/cathen/04019a.htm}}

* {{PTA|http://www.cfpeople.org/Books/Pope/POPEp181.htm#T1}}

 

Saamgestel en vertaal uit die [[:nl:Paus Clemens IV|Nederlandse]], [[:en:Pope Clement IV|Engelse]], [[:de:Clemens IV.|Duitse]] en [[:fr:Clément IV|Franse]] wikipedia en aangevul uit ander bronne soos aangedui.

 

{{s-start}}

{{s-bef|voor=[[Pous Urbanus IV|Urbanus IV]]}}