Sentrale Provinsie (Zambië): Verskil tussen weergawes

Die Sentrale Provinsie beslaan 94&nbsp;395 km², amper 12,5% van Zambië se totale oppervlakte en strek oor meer as 400 km van die suidweste tot die noordooste. Dit is die enigste van die land se provinsies wat aan elke ander provinsie grens, maar deel net 'n kort buitelandse grens met die [[Demokratiese Republiek van die Kongo]]. Zambië se hoofspoorlyn en die [[Great North Road]] sny die Sentrale Provinsie in die helfte vanwaar dit net noord van [[Lusaka]] oor die provinsie se grens kom, deur die provinsiale hoofstad, [[Kabwe]], loop en tot by die naasgrootste dorp, [[Kapiri Mposhi]]. Van hier loop die spoorlyn reguit noord tot in die [[Koperstreek]], enkele kilometer verder, maar die [[Great North Road]] swenk noordoos in [[Serenje]] se rigting. Die dorp is ook die beginpunt van die [[Tazara-spoorlyn]], wat strek tot by die uitvoerhawe van [[Dar-es-Salaam]] in [[Tanzanië]].<ref>*Dooley, Brendan & Plewman, Nicholas, ''African Advernturer's Guide To Zambia'', Struik Publishers (Pty) Ltd, Cape Town, 2000.</ref>

Die Sentrale Provinsie se bevolking het tussen die 1990-sensus en 'n 2009-skatting byna tweevoudig toegeneem tot 1&nbsp;351&nbsp;591, oftewel net meer as 'n tiende van die totaal. Die bevolkingsdigtheid van 14,32 mense per vierkante kilometer is die derde laagste van die nege provinsies, maar die bevolking neem die tweede vinnigste toe.<ref>http://archive.is/20130630163435/http://www.world-gazetteer.com/wg.php?x=1260960975&men=gadm&lng=en&des=gamelan&geo=-246&srt=npan&col=abcdefghinoq&msz=1500</ref>

 

Die provinsiale hoofstad, [[Kabwe]], is met 'n geskatte inwonertal in 2009 van 211&nbsp;543 die land se vierde grootste stad en selfs nog meer sentraal geleë as die hoofstad, [[Lusaka]], wat juis om dié rede in [[1935]] amptelik vir [[Livingstone]] as hoofstad van die destydse [[Noord-Rhodesië]] vervang het. Westerlinge het die provinsie se ryk neerslae lood, sink en vanadium in 1903 ontdek en die gevolglike myn op [[Kabwe]] het tot die provinsie se ontwikkeling aanleiding gegee. Die hoofstad het ongeveer vier keer meer inwoners as [[Kapiri Mposhi]] se geskatte 2009-inwonertal van 52&nbsp;931. Mumbwa is die derde grootste nedersetting met 23&nbsp;469 (2009-skatting), gevolg deur Mkushi en [[Serenje]].<ref>http://archive.is/20130630164151/http://www.world-gazetteer.com/wg.php?x=&men=gcis&lng=en&des=wg&geo=-246&srt=npan&col=abcdefghinoq&msz=1500&geo=-3997</ref>

 

Die Lunsemfwa-waterval, in die rivier met dieselfde naam, lê sowat 90 km oosnoordoos van [[Kabwe]] en is meer as honderd meter hoog. 'n Hidrokragsentrale is hier opgerig om krag aan die myn by die hoofstad te voorsien.

{{reflist|2}}