Welkom: Verskil tussen weergawes

'''Welkom''' is 'n jong, welvarende stad in die noordelike deel van die [[Vrystaat]], 250 km suid van [[Johannesburg]] en 11 km suid van [[Odendaalsrus]] in die [[Vrystaatse Goudveld]].

 

Die stad is in [[1947]] op die plaas Welkom uitgelê. Dit het in 1961 'n munisipaliteit geword en op 14 Februarie [[1968]] 'n stad. Die stad is ontwerp deur William Backhouse, 'n stads- en streekbeplanningskonsultant vir [[Anglo-American Corporation]]. Die dorp is ontwikkel om as 'n modeldorp te dien vir die werkers van die [[goud]]myne van die streek. 'n Kenmerk van die stad is dat verkeersligte en stopstrate grootliks uitgeskakel is deur die gebruik van verkeersirkels, en die stad het ook netjiese parke en sport- en ontspanningsgeriewe. Die woongebied Thabong is opgerig om swart werknemers te huisves. Die teorie is dat die goudmyne eers die dorp Odendaalsrus genader het vir verdere ontwikkeling, maar nadat onderhandelinge skipbreuk gelei het, is Welkom ontwikkel.

 

Op 20 Maart 1990 het 'n [[tornado]] Welkom getref en meer as 800 huisgesinne in Flamingopark, Rheederpark en [[Riebeeckstad]] dakloos gelaat, twee mense het gesterf en 98 beseer.

 

Die St. Helena-goudmyn is in Oktober [[1951]] in bedryf gestel. Latere myne in bedryf gestel is Welkom, Western Holdings, Free State Geduld, President Brand, President Steyn en Erfdeel-Dankbaarheid. Die myne is geweldig diep en groot hoeveelhede water word na panne op die oppervlakte gepomp. Dit het die [[voël]]lewe gestimuleer. Die Theronpan binne die munisipale gebied is as 'n park ontwikkel. Van die mynwater word ontsout en vir huishoudelike doeleindes gebruik.

 

Die distrik is 557 km² groot en in 1954 geproklameer. [[Mielies]] en [[suiwelproduk|suiwel]] is die belangrikste [[landbou]]produkte. Die [[Matjhabeng Plaaslike Munisipaliteit]] het in [[2011]] 406 461 inwoners gehad.

 

* [[CJ van der Linde]] - [[1980]], Springbokrugbyspeler.

 

* [[Gereformeerde kerk Welkom]]

* [[Lys van dorpe in Suid-Afrika]]

* [[NG gemeente Welkom]]

 

* {{cite book |last=Erasmus |first= B.P.J.|authorlink=B.P.J. Erasmus |title=[[Op Pad in Suid-Afrika]]|year= 1995|publisher=Jonathan Ball Uitgewers |isbn= 1-86842-026-4}}

* {{cite book |last=Rosenthal |first= Eric|authorlink=Eric Rosenthal|title=[[Ensiklopedie van Suidelike Afrika]]|year= 1967 |isbn= }}