Helikopter: Verskil tussen weergawes

Die konvensionele helikopter beskik oor twee rotors, die hoofrotor wat horisontaal en voor op die romp is en die kleiner, stertrotor wat vertikaal agter op die stert is. Die hoofrotor moet die helikopter laat opstyg, daal of op een plek laat hang. Die stertrotor moet die [[wringkrag]] van die enjin teenwerk sodat die romp nie in die teenoorgestelde rigting as die hoofrotor draai nie.

 

Die rotor van 'n helikopter kan twee, drie, vier of meer  blaaie hê. Sommige hellkopters het twee lugskroewe, maar gewoon­lik het hulle net een groot rotor met 'n klein stertskroefie wat voorkom dat die stert in die rondte tol.

 

Die skroef van 'n vliegtuig draai vertikaal voor die vliegtuig en sleep hom vorentoe. Op dieselfde wyse draai die heli­kopter se rotor horisontaal bo­ kant hom en verskaf drakrag aan die helikopter en sleep hom ook vorentoe wanneer die skroef effens vorentoe gekantel word 

 

As die draagkrag van die rotor groter as die gewig  van die helikopter  is, styg  hy op. As  dit minder, sak hy af, en as die draagkrag en die helikopter se gewig dieselfde is, bly hy op een plek hang.

 

Hierdie  verhouding word  verkry  d.m.v. 'n  outomatiese  verbinding tussen  die  masjienversneller en die gesamentlike steekreelaar.

 

Die helikopter kan vorentoe, agtertoe en sywaarts gestuur word deur die vlak van die rotor in daardie bepaalde rigting te laat kantel. Deur middel van die vlieënier se stuurkolom (die sikliese steekreelaar) kan hy die hoek van elke blad van die rotor verander terwyl dit in die lug maal. Sodoende kan die rigting  van die draagkrag  vorentoe, agtertoe  of sywaarts  gekantel   word.

 

Die vlieënier kan die hoek van die, blaaie van die stertskroefie met sy voetpedale beheer en sodoende die stukrag van die skroef laat toe- of afneem. So kan  hy die stert van die helikopter  in enige rigting draai en die helikopter  stuur. Hy kan selfs die helikopter in die rondte laat tol.

 

Helikopters kan feitlik orals kom: oor berge, see en oorstroomde gebiede. Hulle kan een­ same [[vuurtoring]]s op eilande besoek en dorpies wat deur aardbewings of watervloed afgesny is. Die helikopter het twee groot voordele bo die vliegtuig: hy kan stil op een plek in die lug hang, en hy kan op 'n baie klein kolletjie land. So gebruik die [[Suid-Afrikaanse Vloot]] helikopters wat op die dek van ons oorlogskepe land. Hulle help met die opsporing van [[Duikboot|duikbote]].