Pous Johannes XI: Verskil tussen weergawes

'''Pous Johannes XI''' is gebore in [[Rome]], [[Italië]], die seun van Marozia en vermoedelik ook van [[Pous Sergius III]] <ref>Gregorovius, Ferdinand (1903), The History of the City of Rome in the Middle Ages, vol. III (2nd ed.), London: George Bell & Sons, pp. 254</ref> ("Johannes, natione Romanus ex patre Sergio papa", "Liber Pont." ed. Duchesne, II, 243). Ander bronne verklaar dat hy die seun is van Alberic I, koning van Italië.<ref>Poole, Reginald L. (1917). "Benedict IX and Gregory VI". Proceedings of the British Academy 8: 230.</ref> Indien Johannes wel die seun van [[Pous Sergius III]] was, is hy die enigste buite-egtelike seun van 'n pous wat ooit pous geword het. [[Pous Silverius]] was die seun van [[Pous Hormisdas]] uit 'n wettige huwelik. Voor sy verkiesing was Johannes kardinaal-priester van Santa Maria in Trastevere. In Februarie of Maart [[931]] volg hy [[Pous Stefanus VII]] (VIII) op en regeer tot sy dood in Desember [[935]] of Januarie [[936]]. Hy word opgevolg deur [[Pous Leo VII]].

Toe Marozia in die somer van [[932]] weer trou met haar swaer, koning Hugo van die Provence, het die pous se jonger halfbroer koning Alberic II in Desember, die pous en sy moeder gevange geneem.<ref>John XI." Encyclopædia Britannica. 2008. Encyclopædia Britannica Online. 22 Mei 2008 <http://www.britannica.com/eb/article-9043761></ref>. Johannes se mag is beperk tot kerklike sake en hy moes na Alberic se pype dans. Hy moes die patriarg van [[Konstantinopel]] en aartbiskop Artold van [[Reims]] in [[933]] vereer met die pallium.