[[Lêer:Fuersteneck Kirschwasser.jpg|thumbduimnael|right|150px|''Schwarzwälder Kirschwasser'' - kirsch uit die [[Swartwoud]]]] '''Kirsch''' ([[Duits]]: ''Kirschwasser''), ook bekend as '''kersiebrandewyn''', is, soos die naam aandui, 'n [[brandewyn]] wat uitsluitlik van gefermenteerde kersies gedistilleer word. Kersies wat vir kirsch gebruik word is gewoonlik kleiner as kersies wat in winkels aangebied word, maar word deur 'n hoër [[suiker]]gehalte en sterker geur gekenmerk. Die gehalte van die kirsch word hoofsaaklik deur die kersies se geurstowwe bepaal. Kirsch word teen 'n drinktemperatuur van 14-16 °C geniet.
Kirsch is ook 'n gewilde geurmiddel in die [[kookkuns]] en 'n belangrike bestanddeel van onder meer [[Swartwoudkoek]], Zuger-kersiekoek (''Zuger Kirschtorte''), Muotathaler-kersieroomtert (''Muotathaler Rahmkirschtorte'') en ander Duitse en [[Switserland|Switserse]] koekspesialiteite. Kirsch word in Switserland ook as 'n bestanddeel van kaas-fondues gebruik.