Staf van Asklepios: Verskil tussen weergawes

 

Die '''staf van Asklepios''' ([[Grieks]]: Ράβδος του Ασκληπιού, ''Rábdos tou Asklipioú''; [[Unicode]]-simbool: '''⚕''') in die [[Griekse mitologie]] is ’n staf wat deur ’n slang omstrengel word en wat behoort het aan die Griekse god [[Asklepios]], wat met [[medisyne]] en [[Geneeskunde|genesing]] verbind is. Die simbool word steeds in moderne tye gebruik en word met [[gesondheid]]sorg verbind. Dit word egter dikwels verwar met die [[boodskapperstaf]] van [[Hermes]] (of [[Mercurius]]).

Die naam "staf van Asklepios" kom van die Griekse god met dié naam wat met genesing en medisyne verbind is. Asklepios se simbole, die staf en die slang, is soms apart uitgebeeld, maar later gekombineer.<ref>Stephen Lock, John M. Last, George Dunea,'' The Oxford Illustrated Companion to Medicine'', 2001, bl. 261.</ref>

 

Ter ere van Asklepios is ’n sekere soort niegiftige slang dikwels in genesingsrituele gebruik, en hulle het vrylik tussen die siekes en gewondes rondgeseil. Dié slange is ook dwarsoor die antieke wêreld na elke nuwe tempel van Asklepios gebring wanneer dit ingewy is. Van omstreeks 300&nbsp;v.C. het die kultus van Asklepios baie gewild geword en pelgrims het na sy helingstempels gestroom vir kure. Rituele reiniging is gevolg deur offerandes aan die god (volgens vermoëns) en die sieke sou een nag in die heiligste deel van die tempel, die ''adyton'', deurbring. Enige droom of visoen is aan ’n priester vertel en hy sou die toepaslike terapie voorskryf deur ’n proses van vertolking.<ref>Sigerist. Hoofstuk 3, ''Religious medicine: Asclepius and his cult'', bl. 63ff.</ref> Sommige helingstempels het ook heilige honde gebruik om die siekes se wonde te lek.<ref name="farnell">Farnell, Hoofstuk 10, "The Cult of Asklepios" (ble. 234–279)</ref>