Slag van Spioenkop

Die geveg van Spioenkop het sowat 38 km wes-suid-wes van Ladysmith plaasgevind op Spioenkop langs die Tugelarivier, Natal in Suid-Afrika. Dit was tussen die Boere en Britse magte op 23 en 24 Januarie 1900 geveg as deel van die Tweede Boereoorlog, en het gelei tot 'n bekende Britse nederlaag gedurende die Oorlog. Die Britse naam vir die koppie is verkeerdelik opgeneem as "Spion Kop", wat steeds in die literatuur in die Statebond voortleef, alhoewel die aanvaarde en amptelike spelling in Suid-Afrika "Spioenkop" is.

Oorlede Britse soldate wat in loopgrawe lê

'n Boer skerpskutter

Sir Redvers Buller, bevelvoerder van die Britse magte in Natal, was op daardie stadium oorskadu deur Louis Botha, en die lot van Ladysmith was nog nie bepaal nie. Buller het opdrag van sy hoofmag aan Generaal Sir Charles Warren gegee, wie besluit het om die Boere langs twee fronte aan te val. Warren het 'n mag onder Brigadier-Generaal Woodgate gestuur om Spioenkop, 'n rotsagtige koppie, op die nag van 23 Januarie te beset, wat gelyk het soos die sleutel tot die Boere se regter-senterflank. Hulle het die feitlik onbeskermd gevind, maar het nie hulleself behoorlik ingeburger nie, 'n feit wat nóg meer bemoeilik is nadat hulle nie genoegsame artillerie teen die steil heuwel kon uitsleep nie. Deurdat hulle van alle kante af ontbloot was vir die Boere se skerpskutters en artillerievuur het hulle swaar verliese gedurende die dag se geveg gelei, en meer as 300 oorledenes, insluitend Woodgate, en 1653 beseerdes opgedoen voordat hulle die aand teruggeval het. Die Boere het slegs 50 oorledenes en 120 beseerdes gehad.

Die Kop Stand by Anfield Stadium — die tuiste van die Engelse sokkerspan Liverpool F.C — is vernoem in eerbied van die geveg.

Eksterne skakels

• The Great Boer War Chapter XV: Spion Kop deur Sir Arthur Conan Doyle
• Commando Chapter IV: The Battle of Spion Kop deur Dennis Reitz

Verwysings

• Nuwe Geskiedenis van Suid-Afrika in woord en beeld, Cameron & Spies, Human & Rousseau uitgewers, 1986 (ISBN 0798119772).