Renzo Piano: Verskil tussen weergawes

[[Image:Paris.pompidou.500pix.jpg|thumb|250px|Die Centre Georges Pompidou in Parys]] '''Renzo Piano''' (* [[14 September]] [[1937]] in [[Genua]], [[Italië]]) is een van die beroemdste argitekte van die laat [[20ste eeu|20ste]] en vroeë [[21ste eeu]] en staan veral bekend vir sy buitengewone verbinding van argitektuur en nuwe tegnologieë. Ná sy opleiding by die argitektuurskool van die [[Milaan|Milaanse]] ''Politecnico'' werk hy tussen [[1965]] en [[1970]] saam met Louis Kahn in [[Philadelphia]] en Makowsky in [[Londen]] en van [[1971]] tot [[1977]] met [[Richard Rogers]].

Die belangrikste gemeenskaplike projek, wat Piano saam met Rogers ontwerp het, is die ''Centre Georges Pompidou'' (Georges Pompidou-sentrum) in [[Parys]] ([[Frankryk]]). Hierdie projek maak van Renzo Piano 'n argitek van wêreldfaam. Die ''Centre'', wat ook as ''Beaubourg'' bekend staan, dien as 'n kulturele sentrum vir moderne kuns, letterkunde, musiek en industriële ontwerp. 'n Deel van die gebou huisves kantore, restourante, winkels, teaters en parkeerplekke. Die groot sukses van die sentrum, wat nou sowat 25 000 besoekers per dag lok, is ook aan sy buitengewone boustyl te danke. As 'n tipiese voorbeeld van Piano se integrasie van hoëtegnologie in die moderne argitektuur is die sentrum as 'n soort "masjien in die stad" ontwerp - sy tegniese installsies is nie weggesteek nie, maar vorm 'n deel van sy fasade. Staalelemente en gekleurde pype gee aan die gebou 'n industriële voorkoms, wat skerp met die tradisionele boustyle van sy omgewing in 'n ou stadsywyk van Parys kontrasteer.

[[Beeld:Kansai closeup.jpg|thumb|left|250px|'n Satellietfoto van Osaka se Kansai-lughawe, wat op 'n kunsmatige eiland in die see lê]]