Palazzo Venezia: Verskil tussen weergawes

Die '''Palazzo Venezia''' (ook bekend as '''''Palazzo di Venezia''''' of '''''Palazzo Barbo''''') is 'n paleis in die Italiaanse hoofstad Rome, geleë aan die plein Piazza Venezia. Oorspronklik tussen 1455 en 1467 opgerig in opdrag van die Venesiaanse kardinaal Pietro Barbo, wat in 1465 as pous verkies is en die naam Paulus II aanvaar het, het dit 'n tyd lank as pouslike residensie gedien. Later was die paleis in besit van die [[Republiek Venesië]] en het as ampsetel van die Venesiaanse ambassadeur by die Heilige Stoel gedien.