Verskil tussen weergawes van "Benito Mussolini"

158 grepe bygevoeg ,  1 jaar gelede
k
Etiket: 2017-bronwysiging
Etiket: 2017-bronwysiging
== Binnelandse politiek ==
Hoewel Mussolini altyd teen die [[Rooms-Katolieke Kerk|Kerk]] gekant was, was hy opportunisties genoeg om ter wille van sy prestige en gewildheid 'n verdrag met die Kerk aan te gaan. [[Pous Pius XI]] (1922-1939), wat die Fascisme as 'n bolwerk teen die Kommunistiese bedreiging beskou het, het in 1929 die Lateraanse Verdrae met Mussolini gesluit. Hiervolgens het die pous die koninkryk Italië erken en self die soewereine mag oor die Vatikaanstad verkry. Roomse Katolisisme het die staatsgodsdiens geword. Die opvoeding van die jeug het egter 'n twispunt gebly: Mussolini het vergeefs probeer om dit geheel en al in die hande van die staat te hou. Mettertyd het die pous hom ook verset teen die voorneme om in navolging van [[Adolf Hitler|Hitler]] die sogenaamde rassewette in Italië in te stel.
[[Lêer:Vista panoramica latina.jpg|duimnael|links|Latina, gestig in 1932, dien as administratiewe setel van die eweneens nuutgestigte gelyknamige provinsie]]
 
In 1925 is daar begin met 'n stelsel van korporatisme: die ekonomiese lewe is in bedryfstakke onder leiding van die staat ingedeel. Sowel werkgewers as werknemers in bepaalde bedryfstakke is in die groepe verenig. Dié stelsel het vir die werknemers agteruitgang beteken, hoewel die teendeel in propaganda aangevoer is.
[[Lêer:Bundesarchiv Bild 146-1969-065-24, Münchener Abkommen, Ankunft Mussolini.jpg|duimnael|Benito Mussolini saam met Adolf Hitler, met wie hy die Spil- en later die Staalverdrag aangegaan het.]]