Io (maan): Verskil tussen weergawes

Die maan besit baie [[vulkanisme]] met meer as 400 aktiewe vulkane en dit is dié vulkanisme wat die hoogste temperatuur van die [[sonnestelsel]] besit. Io bestaan hoofsaaklik uit [[silikaat]]klippe wat 'n kern van gesmelte [[yster]] of [[ystersulfied]] omring. Die ekstreme vulkaniese aktiwiteit is die gevolg van die enorme getykragte wat Jupiter op die maan uitoefen en wat tot wrywing en daardeur verhitting in die inwendige dele van die maan lei. Verskeie vulkane op Io lewer groot pluime van [[swawel]] en [[swaweldioksied]] wat tot 500&nbsp;km hoogte kan reik. Die temperatuur van die vulkane kan hoër as 1500&nbsp;K wees. Die [[lawa]] is ook baie warm en bestaan dalk uit ultramafiese silikate. Op die [[Aarde]] het in die [[Hadeïkum]] en die [[Argeïkum]] vergelykbare omstandigede geheers en dit het tot die vorming van [[komatiïet]] gelei. Vandag is die Aarde se mantel daarvoor 200&nbsp;°C te ver afgekoel. Op Io bestaan lawamere soos by Pele en 'n lawasee van 20&nbsp;000&nbsp;km² wat Loki Patera genoem word. Die litosfeer is meer as 30&nbsp;km dik en daar is geen plaattektoniek. Io se vulkanisme kan dus vergelyk word met vulkanisme wat in die middel van die plate op die Aarde plaasvind.<ref>Large Igneous Provinces {{Outeur|Richard E. Ernst}} Cambridge University Press, 2014, ISBN 0-521-87177-8, ISBN 978-0-521-87177-8</ref>