Oeralgebergte: Verskil tussen weergawes
Content deleted Content added
Etiket: 2017-bronwysiging |
Etiket: 2017-bronwysiging |
||
Lyn 11:
== Industriële hartland van Rusland ==
[[Lêer:Вид на гору Куянташ хребта Ирендык - panoramio.jpg|duimnael|Uitsig oor 'n residensiële buurt van Magnitogorsk, met die bergpiek Koejantasj teen die agtergrond]]
Die Oeral het in die Sowjetunie tot een van die mees geïndustrialiseerde gebiede ontwikkel. 'n Nuwe nywerheidstad, Magnitogorsk, is tydens [[Josef Stalin]] se bewind vanaf 1929/1930 in 'n rekordtyd deur die Duitse argitek en stadsbeplanner Ernst May (1886−1970) nuut beplan en gebou - as die prototipe van 'n sosialistiese stad en stedelike fabriekskompleks waarin 'n plattelandse bevolking van boere in nywerheidswerkers omgeskep sou word.<ref>Regina Gödecke: ''Spätkoloniale Moderne: Le Corbusier, Ernst May, Frank Lloyd Wright, The Architects Collaborative und die Globalisierung der Architekturmoderne''. Basel: Birkhäuser 2016, bl. 136</ref>
Ná die [[Operasie Barbarossa|Duitse inval in 1941]] het 'n nuwe fase in die Oeral se ekonomiese ontsluiting begin met die grootskaalse verskuiwing van meer as 1 300 nywerheidsaanlegte en honderdduisende mense uit die weste van Rusland en uit [[Oekraïne]] na die westelike voetheuwels van die Oeralgebergte. Die gebied met die grootste staal- en wapenbedryf ter wêreld was buite die bereik van die Duitse leër en lugmag, en binnekort kon die Sowjetunie se industriële kapasiteite verdriedubbel word. Die Oeral het die [[Rooi Leër]] van sowat veertig persent van sy militêre uitrusting voorsien. Geskiedkundiges beskou Stalin se besluit om nywerheidsaanlegte na die Oeralreeks te verskuif dan ook as een van die beslissende faktore wat bygedra tot die Sowjet-Russiese oorwinning in die oorlog teen [[Nazi-Duitsland]].<ref>Insight Guides: ''Russia''. Vierde uitgawe 2016. Insight Guides / APA Publications 2016, bl. 244</ref>
| |||