San Andreas-breuk: Verskil tussen weergawes

Die '''San-Andreas-breuk''' of '''San Andreas-verskuiwing''' is 'n breuklyn waarlangs twee tektoniese plate, die Stille Oseaan- en die Noord-Amerikaanse Plaat, by mekaar verbyskuif. Dit loop oor 'n lengte van sowat 1&nbsp;100 kilometer parallel met die kuslyn vanaf [[Meksiko]] in die suide tot by [[San Francisco]] in die noorde en verdeel die [[Verenigde State|Amerikaanse]] deelstaat [[Kalifornië]] in twee helftes, waarby San Francisco op die Noord-Amerikaanse Plaat en [[Los Angeles]] op die Stille Oseaan-plaat geleë is. Dit is een van min tektoniese plaatgrense wat op die land en nie - soos die meeste breuklyne - op die seebodem van die oseane geleë is nie.<ref>Robert E. Wallace: ''The San Andreas Fault System, California. U.S. Geological Survey Professional Paper 1515''. Washington, DC: United States Government Printing Office 1990, bl. v</ref> Sodoende word wetenskaplike navorsing vergemaklik. Die San Andreas-verskuiwing bestaan nie uit een enkele breuklyn nie, maar vorm 'n hele netwerk van breuke wat dwarsdeur Kalifornië strek - vanaf die [[Saltonmeer]] in die suide tot Kaap Mendocino in Noord-Kalifornië.<ref>[https://edition.cnn.com/2019/07/06/us/what-is-the-san-andreas-fault-line-trnd/index.html ''CNN, 6 Julie 2019: Seismic activity along the San Andreas fault line could trigger a devastating earthquake in California by 2030. Besoek op 28 Maart 2020'']</ref>