Kwantummeganika: Verskil tussen weergawes

'''Kwantummeganika''' is ’n [[natuurkunde|natuurkundige]] teorie<ref>Die terme "kwantummeganika" en "kwantumfisika" word soms verwar. In die algemeen kan ’n mens sê kwantummeganika is die onderliggende teorie en kwantumfisika die toepassing in die natuurkunde, net soos wat kwantumchemie die toepassing in die skeikunde is. In die praktyk word die terme dikwels deurmekaar gebruik, maar veral natuurwetenskaplikes verkies die term kwantummeganika.</ref> wat die gedrag van [[materie]]deeltjies en die [[energie]] wat met die wisselwerking van die deeltjies gepaard gaan, beskryf. Dit is veral belangrik in die verklaring van verskynsels op [[atoom|atomiese]] en [[Elementêre deeltjie|subatomiese]] skaal. Die ontwikkeling hiervan sedert die begin van die [[20ste eeu]] kan, saam met die [[relatiwiteitsteorie]], beskou word as die oorgang van die klassieke na die moderne natuurkunde.

 

 

Daarbenewens maak kwantummeganika die stelling dat ’n mens nooit met sekerheid beide die ligging en snelheid van deeltjies kan voorspel nie. As die een grootheid noukeurig gemeet word, is die ander grootheid onvermydelik onbepaald en onbepaalbaar. Hierdie wet staan bekend as die [[Onsekerheidsbeginsel van Heisenberg]], nog ’n belangrike konsep in kwantummeganika.