Mikrogolfoond: Verskil tussen weergawes

Mikrogolfoonde verskaf nie net 'n tyd-, energie- en kostebesparende tegnologiese dimensie aan tradisionele kookkuns nie, maar is ook uiters geskik vir die bereiding van gesonde kos aangesien net baie klein hoeveelhede water vir die gaarmaak van groente en aartappels benodig word. Die kos word in die mikrogolfhouer gestoom soda die water kook en verdamp. Sodoende word vitamiene en voedselstowwe bewaar en nie met die kookwater weggegooi nie.

Sekere voedselsoorte soos aartappels, wat in dun skyfies gesny is, kan in die oond maklik gedroog word as 'n vetvrye alternatief tot kommersiële aartappelskyfie-produkte uit die supermark.