In 1864 is die status van ''burgh'' aan Govan toegeken wat van die nedersetting die vyfde grootste sodanige munisipaliteit in Skotland gemaak het. In 1912 is dit by Glasgow ingesluit.
== Geskiedenis ==
Tot in die 19de eeu was Govan 'n betreklik klein nedersetting met rietdakhuise. Industrialisering en verstedeliking het met die vestiging van 'n skeepsboubedryf in Govan begin, en die inwonertal het van slegs sowat 2 000 teen die begin van die 19de eeu tot 9 000 in 1864 en nagenoeg 60 000 teen die middel van die 1880's gestyg. Een van die nuwe ondernemings, ''Fairfield Shipbuilding and Engineering Company'', of ''Fairfield's'' soos dit meestal kortweg genoem is, het tot die grootste skeepswerf ter wêreld gegroei wat 5 000 werkers in diens gehad het. ''Fairfield's'' het later met ander werwe saamgesmelt om in 1968 ''Upper Clyde Shipbuilders'' te vorm, maar sy kantoorgeboue het bewaar gebly.
In Govan is tot op hede 'n skeepswerf in bedryf waar ''BAE Systems'' skepe vir die Koninklike Vloot (''Royal Navy'') bou.
