Jag (plesierboot): Verskil tussen weergawes

Die term '''jag''' (afgelei van [[Nederlands]] ''jacht'', 'n verkorte vorm van die [[Middelnederlands]]e ''jachtschip'' «jagskip, vinnige skip») verwys tans na 'n watervoertuig wat vir sportdoeleindes of as [[plesierboot]] gebruik word en - met enkele uitsonderings - van 'n [[dek]] en tenminste een kajuit voorsien is. Jagte het 'n vaste [[kiel]] en 'n romplengte van gewoonlik tussen ses en 160 meter; korter watervoertuie word as boot beskou. Jagte word as tradisionele seiljagte of as motorjagte vervaardig. Die belangrikste kriterium, waarvolgens jagte van ander watervoertuie onderskei word, is hul uitsluitlike gebruik vir ontspanningsdoeleindes en die feit dat hulle òf deur hul eienaar bestuur word òf 'n ervare kaptein hiervoor aangestel word. Hul kapasiteit (onder meer die maksimale getal passasiers en hul reikwydte) is 'n verdere kenmerk wat hulle van groot kommersiële plesierbote onderskei. Kleiner jagte is geskik vir dagtoere, terwyl groter jagte toegerus mag wees vir langer seereise.