Sloep: Verskil tussen weergawes

Die Nederlandse sloep-ontwerp het kort voor lank ook ingang tot die skeepsboubedryf in ander Europese [[Noordsee|Noord-]] en [[Oossee]]lande gevind, waarby 'n gaffelseil as hoofseil gedien het. In Engeland is hulle veral as visserybote en vaarte langs die kus ingespan. Nogtans kon hulle ook die oseane bevaar. So is houtvragte op die transatlantiese roete tussen [[Noord-Amerika]] en die [[Britse Eilande]] in die vroeë 18de eeu hoofsaaklik op sloepe vervoer.

 

Die sogenaamde Bermuda-sloepe is in die vroeë 17de eeu as 'n innovatiewe bootstipe op die Bermuda-eilande ontwikkel. ''Bermuda rigs'', soos dit in Engels bekend staan, is in die 18de eeu gewoonlik van sederhout gemaak en was gewild as vinnige en duursame bote. Hulle sou later as basis dien vir die ontwerp van moderne seiljagte.