Vlag van Suid-Afrika (1928–1994): Verskil tussen weergawes

[[Lêer:Red Ensign of South Africa (1912-1928).svg|duimnael|links|{{FIAV|historical}} Die Suid-Afrikaanse “rooi vaandel” het tot in 1928 as nieamptelike ''de facto'' vlag van Suid-Afrika gedien; dit is tot in die 1950’s as ’n handelsvlag gebruik]]

[[Lêer:Flag of South Africa (1982–1994).svg|duimnael|links|{{FIAV|historical}} Die vlag met ’n ligter skakering van “Solway”-blou soos deur die Suid-Afrikaanse regering in 1982 gespesifiseer]]

Voor 31 Mei 1928 was die Union Jack die enigste vlag wat amptelike status in Suid-Afrika geniet het, aangesien Suid-Afrika deel van die Britse Ryk was. Die Suid-Afrikaanse rooi vaandel is as ’n nieamptelike vlag gebruik. In 1925 het die debatte oor die ontwerp van ’n nuwe vlag vir Suid-Afrika toegeneem, aangesien baie nasate van Boere die Union Jack weens die Tweede Vryheidsoorlog as onvanpas beskou het.<ref name=crw /> In 1926 het die [[Balfour-deklarasie]] wetgewende outonomie aan Suid-Afrika toegestaan en die goedkeuring van ’n nuwe vlag moontlik gemaak. [[Anglo-Afrikane]] wou die Union Jack in die nuwe vlag as deel van die Britse Ryk behou, terwyl die Afrikaners dit nie wou hê nie. ’n Kompromie is bereik, waarvolgens die nuwe vlag gebaseer is op die Prinsenvlag, die eerste vlag wat in Suid-Afrika gehys is, en in die middel die Union Jack saam met die vlae van die [[Oranje-Vrystaat]] en die [[Zuid-Afrikaansche Republiek]].<ref name=crw /><ref>{{en}} {{cite web |url=https://www.c-span.org/video/?56323-1/south-african-election-special-2 |title=South African Election Special, 2 |website=C-SPAN.org |date=21 September 2020}}</ref> Die Union Jack is in die nuwe vlag verklein met die vlagpaalkant aan die regterkant sodat dit nie die ander twee vlae oorheers nie.<ref name=crw>{{en}} {{cite web |url=https://www.crwflags.com/fotw/flags/za_old.html |title=South Africa (1928–1994) |publisher=Flags of the World |accessdate=21 September 2020}}</ref> Die destydse minister van binnelandse sake, [[Daniël François Malan]], het na die groep klein vlae skertsend as “’n skurfte … wat eendag sal afval” verwys.<ref>{{en}} {{cite web |url=https://archive.org/details/southafricantra00pato |title=South African Tragedy: The Life and Times of Jan Hofmeyr |publisher=Charles Scribner's Sons |author=Alan Paton |year=1966 |accessdate=21 September 2020}}</ref>