Andries Stockenström (predikant): Verskil tussen weergawes

Die stamvader van ds. Stockenström se familie is op 6 Januarie 1757 in Filipstad, Varmland, [[Swede]], gebore en oorlede op 29 Desember 1811 tydens die slagting op Doornek, Suurberg[[Suurberge]] (of Zuurberg) in die westelike distrik van die Oostelike Provinsie. Sy seun Erik Ergidius (1805–1886, ’n broer van sir [[Andries Stockenström]]) se seun, ook Andries (gebore 1850), was ds. Stockenström se vader. Die latere predikant is op Prins Albert in die Groot-Karoo gebore en het ook daar gematrikuleer met Grieks en Hebreeus as twee van sy vakke. Hy was ses jaar lank registrateur van regter [[Christian George Maasdorp|C.G. Maasdorp]] in [[Kaapstad]] waartydens hy privaat aan die [[Suid-Afrikaanse Kollege]], die voorloper van die [[Universiteit van Kaapstad]]) studeer het. In 1910 het hy na die [[Kweekskool]] op [[Stellenbosch]] gegaan en was, buiten sy studie in die teologie, ook junior lektor in Hebreeus.