Walter Sisulu: Verskil tussen weergawes

In [[1952]] is Sisulu 'n [[opgeskorte vonnis]] opgelê vir sy rol in die beplanning van die ''[[Defiance Campaign]]''. Daarna reis hy deur Europa en besoek die [[Sowjetunie|VSSR]] en [[Sjina]] as ambassadeur van die ANC. Gedurende die volgende tien jaar is hy sewe keer in die tronk gegooi.

 

Van 1956 tot 1961 het hy tereggestaan op aanklagte van hoogverraad (dit sluit in sy aanhouding sonder verhoor in 1960). In 1961 is hy as eerste politieke kommissaris tot die beheerraad van die nuut gestigte [[Umkhonto WeSizwe]] verkies. In die volgende twee jaar is hy verskeie kere in hegtenis geneem of onder huisarres geplaas voordat hy tot ses jaar gevangenisstraf veroordeel is. Op 19 April 1963 het hy egter ondergronds gegaan hangende 'n appèl teen die vonnis, maar is op 11 Julie van daardie jaar is hy saam met agt ander leiers van die vryheidstryd by Lilliesleaf Farm in Rivonia in hegtenis geneem en onder die 90-dae-wet van destyds aangehou.

Intussen het hy ook verder begin studeer en geskryf - insluitende artikels oor nasionale helde vir die swart pers - met die oog daarop om massaveldtogte op 'n landwye skaal te beplan en om strategieë vir die teenstaan van apartheid te formuleer.