Suid-Afrikaanse Reserwebank: Verskil tussen weergawes
Content deleted Content added
kNo edit summary |
k →Wetlike raamwerk: nog inligting |
||
Lyn 1:
Die '''Suid-Afrikaanse Reserwebank''' is die [[sentrale bank]] van [[Suid-Afrika]]. Die bank se stigting in [[1921]] - ná die [[Suid-Afrikaanse Parlement|Parlement]] se bekragtiging van die ''"Currency and Bank Act"'' van [[10 Augustus]] [[1920]] - was 'n regstreekse uitvloeisel van die finansiële ontwrigting wat deur die Eerste Wêreldoorlog meegebring is.<ref>Dannhauser, Diana: ''Simbool van ekonomiese stabiliteit''. In: Suid-Afrikaanse Panorama, volume 33, nommer 6 (Junie 1988), bl. 14</ref> Daar was destyds 'n behoefte aan 'n instelling wat die uitreiking van banknote kon beheer, die onbevredigende monetêre en belastingtoestande kon hanteer, en die groot onwettige uitstroming van goud uit Suid-Afrika kon stuit.<ref>Dannhauser (1988), bl. 16</ref> Sentrale banke het in daardie tyd slegs in die [[Verenigde Koninkryk]] en [[Europa]] bestaan, en die SARB was slegs die vierde sentrale bank buite hierdie gebied, na die [[VSA]], [[Japan]] en [[Java (eiland)|Java]].
==Wetlike raamwerk en struktuur==
Die Reserwebank is kragtens die Reserwebankwet van 1944, soos gewysig, sedert 1960 deur 'n raad van twaalf direkteurs bestuur, insluitende die president en drie vise-presidente wat vir 'n tydperk van vyf jaar deur die Staatspresident aangestel is. Sedert 1989 vorm die Suid-Afrikaanse Reserwebankwet (Wet nommer 90 van 1989) en sedert 1996 ook die seksies 223 tot 225 van die Suid-Afrikaanse Grondwet van 1996 die wetlike raamwerk van die Reserwebank.<ref>[http://www.reservebank.co.za/ ''Suid-Afrikaanse Reserwebank: Huidige wetlike raamwerk'']</ref>
Volgens die Reserwebankwet van 1989 word Suid-Afrika se sentrale bank deur 'n raad van veertien direkteurs bestuur, insluitende die president en drie vise-presidente wat deur die Staatspresident vir 'n tydperk van vyf jaar aangestel word. Drie ander direkteurs word deur die Staatspresident vir 'n tydperk van drie jaar aangestel. Die ander sewe direkteurs, waarvan een die landbousektor, twee die nywerheidsektor en vier die handels- of finansiële sektor verteenwoordig, word deur die aandeelhouers vir 'n tydperk van drie jaar verkies.
Die president en die vise-president is verantwoordelik vir die daaglikse sake van die Reserwebank. Die huidige president, T.T. Mboweni, is die agste president wat sedert die bank se stigting in 1921 hierdie amp beklee. Hy het op 8 Augustus 1999 met sy amp begin.
Die Reserwebank word nie deur die Suid-Afrikaanse staat besit nie. Sy kapitaal is op die Johannesburgse Effektebeurs genoteer en word gehou deur private aandeelhouers, waaronder maatskappye, instellings, individue en buitelanders.<ref>Dannhauser (1988), bl. 16</ref>
| |||