Petrus Steyn: Verskil tussen weergawes

[[Kategorie:Vrystaat]]

[[Kategorie:Dorpe in Suid-Afrika]]

 

Die geskiedenis van Petrus Steyn

Agtien kilometer vanaf Petrus Steyn op die Frankfort pad staan ‘n besondere NG Sendingkerkie, bekend as die Kruispad kerkie. Die kerkie was oorspronklik ‘n ou huis wat voor die tweede Vryheidsoorlog gebou was. Later was die gebou gebruik deur ‘n grofsmid. Nadat die grofsmid verskuif het, het die gebou verval en is later gebruik as beeskraal. Die gebou is gedurende 1963 in ‘n Sendingkerk omskep. Die denkwyses van die Swarte wat in beelde sien is in gedagte gehou, met die herbouing.

Die swart dak simboliseer die sonde en die koringgeel geute die rypheid van die mensdom vir die oordeel van God. Tree mens die kerkie binne deur ‘n ruwe houtdeur is twee helderrooi mure opvallend waardeur die bloed van Christus aangedui word. Die twee ander mure is groen en dui geestelike groei. Die spierwit plafon vertel ons van heiligmaking. Die mure is binne en buite verder afgewerk met die tipiese muurversierings van die Swarte. Die preekstoel is van ysterklip uit die onmiddelike omgewing. Die kateter is die hoeksteen van die ou NG Moederkerk wat die oorsprong van Moeder na Dogter simboliseer. Die doopfont is ‘n opstapeling van versteende boomstompe waarop ‘n maalklip geplaas is en waarin die doopwater gegooi word. Die teenwoordigheid van ruwe gesplete pale herinner aan die kruis. Die kollekte borde is kromsteel kalbasse oorgetrek met tradisionele kralewerk.