Slagting van Katyn: Verskil tussen weergawes

Nadat die massagrafte in 1943 deur die [[Duitsland|Duitse]] Weermag ontdek is, het die Poolse regering in ballingskap, wat in [[Londen]] gesetel was, sy betrekkinge met die [[Sowjetunie]] verbreek. Die massamoord is aanvanklik deur die Nasionaalsosialistiese propaganda geïnstrumentaliseer, terwyl die Sowjet-bewind onder [[Josef Stalin]] sy betrokkenheid by die oorlogsmisdaad van die hand gewys het en dit die Duitse Weermag ten laste gelê het. Eers die Sowjet-leier [[Michail Gorbatsjof]] het dit in 1990 duidelik gestel dat die Sowjetunie vir die Slagting van Katyn verantwoordelik was. Die oorlogsmisdaad versteur nog steeds die verhoudinge tussen Pole en [[Rusland]].