Alytus: Verskil tussen weergawes

'''Alytus''' is die sesde grootste stad van [[Litaue]] met 'n oppervlakte van 40 vierkante kilometer en 'n bevolking van 67 869 mense in 2008. Die stad, wat 65 kilometer suid van [[Kaunas]] en 108 kilometer suidwes van [[Vilnius]] aan weerskante van die Nemunas-rivier geleë is, is 'n beduidende administratiewe en nywerheidsentrum in die suidelike gewes Dzūkija en die hoofstad van die distrik Alytus ([[Litaus]]: ''Alytaus apskritis'').

 

Vanweë sy strategiese ligging was Alytus eeue lank 'n omstrede nedersetting wat in die gevegte tussen Litause magte en Duitse kruisridders sentraal gestaan het. Later het Pruise, Pole en [[Russe]] pogings onderneem om Alytus in te neem. Die burgheuwel (''Piliakalnis'') by die samevloeiing van die Alyputin- en die Nemunas-rivier dateer uit hierdie vroeë tydperk. Omstreeks 1340 was hier 'n vesting van vors Keštutis, ''Aliten'', geleë.

 

Alytus is deur die oorlogshandelinge grotendeels verwoes en onder die Sowjet-bewind herenig. Die Nemunas-brug tussen die twee stadsdele is in 1960 voltooi. Vandag staan Alytus onder meer as hoofkwartier van Litaue se leidende vervaardiger van vonkelwyn en ander alkoholiese dranke, ''Alita'', bekend.

 

Alytus is vandag 'n beduidende nywerheidstad waar naas ''Alita'' en chemiese fabrieke ook die bekende Litause vervaardiger van koel- en vrieskaste, ''Snaigė'' (letterlik "Sneeuvlok"), sy hoofkwartier het. Die stad beskik daarnaas oor 'n aantal vakskole.

 

[[es:Alytus]]

[[et:Alytus]]

[[fr:Alytus]]

[[id:Alytus]]