Provence: Verskil tussen weergawes

 

In [[843]] word Provence 'n deel van die Frankiese ryk van Lothar I. Ná sy afsterwe in [[855]] kry die gebied onder die heerskappy van Lothar se jongste seun Karel feitlik selfregerende status danksy die selfbewuste optrede van die plaaslike adel. Die opkoms van die [[feodalisme]] teen die einde van die 9de eeu lei tot politieke anargie. In die tydperk tussen [[1032]] en [[1246]] vorm Provence 'n deel van die [[Heilige Romeinse Ryk]], tog stel die heersers min belang in Provence. Die moeilike politieke situasie en die gebrek aan militêre beskerming maak van Provence 'n geskikte teiken vir die strooptogte van Berberse pirate uit Noord-Afrika.

[[Lêer:Mapa Provença.png|thumb|right|250px|Die gebied van die historiese graafskap Provence]]

Tot by die einde van die 12de eeu is die grawe van Provence feitlik die heersers van die gebied, alhoewel die grawe van [[Toulouse]] en die grawe van [[Barcelona]] gelyktydig aanspraak maak op die heerskappy oor Provence. Die grawe van Barcelona en Aragón slaag uiteindelik in [[1154]] daarin om Provence by hulle gebied in te lyf.