Bob Loubser

Bob Loubser

SA rugbyspeler en politikus. Geb. 6.9.1884 op plaas Oortmanspost, Durbanville; oorl. 7.12.1962 Stellenbosch. 11e Geslag afstammeling van Nicolaus Laubscher van Switserland wat hom 1679 in distrik Stellenbosch gevestig het.

Naam: Johannes Albertus. Die bynaam “Bob” is afkomstig van ’n bynaam wat deur ’n Engelse goewernante aan hom gegee is vanweë sy voorkoms wat soos dié van Lord Roberts was en die bynaam “Bobs” gehad het.

Rugbyloopbaan: Speel vir SA Rugbyspan in 1903 (toe maar 19 jr oud), 1906 en 1910 meestal in die posisie van regtervleuel. Druk drie drieë in sewe internasionale kragmetings waarvan SA slegs een verloor. Druk ’n rekord-aantal van 22 drieë op 1906 toer na Britse eilande. In 2006 hou hy steeds die rekord vir die SA speler wat die meeste doele aanteken tydens ’n oorsese toer. Voorsitter Stellenbosse rugbyklub. Hegte bande met “Oubaas Mark” Markotter en Danie Craven. Lengte 1.73m, Gewig 76.2kg (tydens rugby-loopbaan).

Professionele lewe: Prokureur in Laingsburg. Landmeter te Germiston en Stellenbosch, Lid van Volksraad (debuut-toespraak is ’n pleidooi vir ’n woordeboek in Afrikaans). Lid van Landbank. Stigterslid Burgerlike Beskermingsvereniging van Stellenbosch.

Persoonlik: Woonagtig in Dorpstraat 157 Stellenbosch (Tans ’n nasionale monument, bekend as “Loubser-huis”).

Bronnelys

Schoeman (C.) "Seasons of glory, the life and times of Bob Loubser," 156pp., illus., paperback, Cape Town, 1999.

Eksterne bronne

Springbok Hall of Fame: http://www.genslin.us/bokke/SARugby.html