Bredasdorp: Verskil tussen weergawes

Bredasdorp is tussen 40 en 120 meter bo seevlak onder die hange van Heuningberg (met ’n spits van 365 m bo seevlak) geleë.<ref>{{cite map |publisher=Chief Directorate: National Geo-spatial Information |title=3420CA & CC Bredasdorp |url= |format= |edition=3rd |date= |year=1981 |cartography= |scale=1:50&nbsp;000 |series=South Africa Topographic}}</ref> Daar is geen standhoudende riviere wat deur die dorp self loop nie, hoewel die Karsrivier ’n paar kilometer oos daarvandaan verbyvloei. Tog ontspring verskeie nie-standhoudende spruite vanuit die klowe van Heuningberg, waarvan die vernaamste die “Droë/Oskamma” is wat aan die noorde onderdeur die R318 (oftewel die Napierpad) langs die bloekombosse verbyloop en benede die dorp se begraafplaas uitmond, wat nie geringgeskat moet word nie. Die kanaal wat verby Kloofstraat en Fletcherstraat afloop was aanvanklik so gespoel uit die massas water van die Drinkwaterkloof wat bokant Plantasiestraat tydens die vloed in die 1960’s ontspring het. Die meer onlangse vloed op 11 April 2005 het veroorsaak dat beide die Oskamma- en Drinkwaterkloofspruit se vloedwater afgekom en saam by die nuwer nywerheids- en lae-inkomstebehuisingsgebied ingestroom het. Daarby het Diepkloof, aan die suide van Bredasdorp, se vloedwater na die gholfbaan gestroom. Niemand in Bredasdorp het omgekom nie.