[[eu:Aurora polar]]Aurora polarra (boreala edota australa izan liteke) gauez zeruan agertzen den distira edo luminiszentzia itxurako fenomeno bat da, ohikoena eremu polarretan agertzen da, halere denbora laburrez munduko beste eremu batzuetan ere ager liteke. Arrazoi horregatik "aurora polarra" (edo "aurora polaris") deitu ohi zaio. Ipar hemisferioan "aurora boreala" bezala ezagutzen da, aldiz hego hemisferioan "aurora australa" bezala. Izendapena Aurora izeneko egunsentiaren erromatar jainkosatik dator, eta "boreal" izena grezierazko "Boreas" hitzetik, honen esanahia "Iparraldea" delarik. Europan zerumugan kolore gorrixkaz ikusi ohi da, eguzkia ezohikoa den norabide batetik agertuko balitz bezala.
Aurora boreala urritik martxora ikus liteke, nahiz eta batzuetan beste hilabeteetan zehar ere agertu izan den, betiere eguratsaren tenperatura behar den adina hotz edo baxua dagoenean. Ikusteko hilabete egokienak urtarrila eta otsaila dira, hauetan tenperaturak
