Spaanse Burgeroorlog: Verskil tussen weergawes

Die '''Spaanse Burgeroorlog''' ([[Spaans]]: ''Guerra Civil Española'', [[Katalaans]]: ''Guerra civil espanyola'') was 'n burgeroorlog in [[Spanje]] wat begin het na 'n staatsgreeppoging uitgevoer deur dele van die leër teen die regering van die [[Tweede Spaanse Republiek]]. Die burgeroorlog het in Spanje gewoed van [[17 Julie]] [[1936]] tot [[1 April]] [[1939]] en het geëindig met die oorwinning van die rebelle en die daarstel van 'n diktatorskap gelei deur die Nasionalistiese [[Francisco Franco|Generaal Francisco Franco]]. Die ondersteuners van die [[Republiek]], of Republikeine (''republicanos''), het die ondersteuning van die [[Sowjetunie]] en [[Mexiko]] verkry, terwyl ondersteuners van die Rebellie, ook bekend as Nasionales (''nacionales''), die bystand van die hoof [[Europa|Europese]] As-magte [[Nazi Duitsland|Duitsland]] en [[Fascistiese Italië|Italië]] verkry het. Die [[VSA]] het amptelik neutraal gebly, maar het vliegtuie aan die Republiek en brandstof aan die Francisco Franco-regime verkoop.