Spessart

Spessart

---

Maak deel uit van die

Suidwes-Duitse Platorand

---

Strek oor die deelstate

Hesse en Beiere
 Duitsland

---

Oppervlakte

2 440 km²

---

Ligging in Duitsland

---

Hoogste bergpiek

Geiersberg (586 m)

Die Spessart is 'n Suidwes-Duitse middelgebergte tussen Vogelsberg, Rhön en Odenwald wat oor die deelstate Beiere en Hesse strek en een van die grootste bosgebiede in die land (merendeels beuke- en eikebome). Die hoogste bergpiek met 586 meter bo seevlak is die Geiersberg in die dig beboste Hoë Spessart. Twee natuurparke is in die bergreeks geleë, die Natuurpark Hessiese Spessart (740 km²) en die Natuurpark Spessart in Beiere (1 700 km²). 'n Aantal skaars plantspesies word in die gebied aangetref.

Die bergreeks se naam is afgelei van die Duitse terme Specht ("speg") en Hardt ("bergwoud") en beteken dus "Woud van spegte".