Spur Steak Ranches
Spur Steak Ranches is 'n braairestaurantgroep wat in Suid-Afrika gestig is en deur Spur Corporation bedryf word.[2] Die hoofkantoor van Spur Corporation is in Century City, Kaapstad.
| Spur Steak Ranches | |
| Tipe | Openbare maatskappy |
|---|---|
| Gestig | Nuweland, Kaapstad 1967 |
| Hoofkantoor | Kaapstad, Suid-Afrika |
| Sleutelpersone | Allen Ambor (Voorsitter) Pierre van Tonder (Besturende Direkteur) |
| Gebied bedien | 513 (Suid-Afrika) 62 (internasionaal)[1] |
| Industrie | Konsessie-ondernemings |
| Produkte | Noord-Amerikaanse etes |
| Inkomste | R667.19 miljoen(Fiskale Jaar 2018) |
| Bedryfsinkomste | R200 miljoen(Fiskale Jaar 2018)[1] |
| Netto inkomste | R195.57 miljoen(Fiskale Jaar 2018)[1] |
| Moedermaatskappy | Spur Corporation |
| Slagspreuk | A taste for life |
| Webwerf | Spur Steak Ranches |
Geskiedenis en groei
wysigSpur handelsmerke
Ondanks sy Suid-Afrikaanse herkoms gebruik Spur inheems-Amerikaanse temas wyd, beide in sy bemarking en dekor. Die restaurant bemark homself as "die amptelike restaurant van die Suid-Afrikaanse familie"; en as sodanig, bevat die meeste Spur-restaurante 'n speelarea vir kinders.
Die Spur-groep bestaan uit Spur International, Spur Steak Ranches, Panarottis Pizza Pasta, John Dory's Fish Grill Sushi, The Hussar Grill, RocoMamas, Spur Grill & Go en Casa Bella. Dit het tans 569 restaurante wêreldwyd, ook in verskillende dele van Afrika, Mauritius, die Midde-Ooste en Australasië.
In Maart 2018 het Spur Corporation Captain Dorego verkoop.
Spyskaart en geregte
wysigDie spyskaart bestaan hoofsaaklik uit hamburgers, biefstuk en ribbetjies, maar sluit ook hoender, seekos, slaaie en vegetariese disse in.
Verder bedien hulle ontwerpersnageregte en ander soetighede soos melkskommels en Coke floats. Hulle het gewoonlik 'n wye verskeidenheid alkoholiese en nie-alkoholiese drankies in hulle yskaste beskikbaar.
Die restaurante verkoop ook 'n verskeidenheid van souse en ander speserye onder sy eie handelsmerk.
Sien ook
wysigVerwysings
wysig- ↑ 1,0 1,1 1,2 Integrated Annual Report 2018. Spur Corporation (2018).
- ↑ "Spur Corporation Operational Profile" (in Engels). Spur Corporation. Geargiveer vanaf die oorspronklike op 24 Desember 2015. Besoek op 13 Junie 2015.
Eksterne skakels
wysig| Hierdie artikel is in sy geheel of gedeeltelik vanuit die Engelse Wikipedia vertaal. |
