Standbeeld van Nelson Mandela (Uniegebou)
Die Nelson Mandela-beeld is 'n bronsbeeld op die terrein van die Uniegebou in Pretoria, Gauteng, van die anti-apartheidsaktivis en voormalige president van Suid-Afrika, Nelson Mandela. Die standbeeld is onthul op Versoeningsdag (16 Desember 2013), wat die amptelike rouperiode van tien dae tot 'n einde gebring het nadat Mandela op 5 Desember oorlede is.[1]
| Standbeeld van Nelson Mandela (Uniegebou) | |
|---|---|
 Die Nelson Mandela-beeld op die terrein van die Uniegebou
| |
| Opdraggewer | Suid-Afrikaanse Regering |
| Kunstenaar | Andre Prinsloo en Ruhan Janse van Vuuren |
| Jaar | 2013 |
| Plek | Uniegebou–terrein Meintjieskop Pretoria |
| Hoogte | Beeld: 9 m |
Beskrywing
wysigDie standbeeld is 9 m hoog, wat dit die hoogste standbeeld van Nelson Mandela ter wêreld maak. Andre Prinsloo en Ruhan Janse van Vuuren is die kunstenaars wat die beeld geskep het. Dit is van brons vervaardig en weeg ongeveer 3,5 ton. Die ingenieurswerk is deur die Knight-broers by die Sculpture Casting Services Foundary in Kaapstad verrig. Die bene en arms is in die Nottingham-straat, KwaZulu-Natal, gegiet.[1]
Inhuldiging
wysigDie standbeeld is ingehuldig deur die destydse president van Suid-Afrika, Jacob Zuma, wat in sy toespraak gesê het:
"U sal sien dat hy in al die standbeelde wat van Madiba gemaak is, sy vuis lig en dit soms uitstrek. Dit spruit uit die slagspreuk van die ANC. Hierdie een verskil van baie. Hy steek sy hande uit. Hy omhels die hele volk. U moet nie sê dat dit nie Madiba is nie, want ons ken hom met sy een [opgeligte] hand."[1]
Ligging
wysigDie standbeeld is voor die geboue geleë op 'n plek waar vroeër die standbeeld van J.B.M. Hertzog, die premier van Suid-Afrika van 1924–1939, gestaan het. Die standbeeld is op 22 November 2013 na 'n ander plek op die terrein verskuif.[2]
Haas in die oor van die standbeeld
wysigNá inhuldiging van die standbeeld is ontdek dat die beeldhouers wat die standbeeld geskep het, ook 'n klein haas in die oor van Mandela ingesluit het. Die Suid-Afrikaanse regering het opdrag gegee dat die haas verwyder moet word. Die beeldhouers, Andre Prinsloo en Ruhan Janse van Vuuren, het gesê dat hulle die haas in die geheim ingesluit het omdat die regering hul versoek om hul handtekeninge op die broek van die beeldhouwerk te graveer, geweier het. Die kunstenaars het hierdie dier gekies omdat 'haas' in Afrikaans ook 'haas' (vinnig) beteken, en hulle moes die standbeeld, wat elf dae na Mandela se dood onthul is, baie vinnig voltooi. Prinsloo het bygevoeg dat 'jy 'n lang lens of verkyker nodig het om dit te sien', en dat niemand die haas opgemerk het tydens die vervaardigingsproses toe mense dit van naderby bekyk het nie. Die haas is verwyder en die regering het verklaar dat die kunstenaars toegelaat sou word om hul name op 'n diskrete plek op die standbeeld te graveer.[3]
Galery
wysigVerwysings
wysig- ↑ 1,0 1,1 1,2 (en) Mafika. "18 facts about the 9 m Mandela statue". Brandsouthafrica.com. Geargiveer vanaf die oorspronklike op 27 Maart 2017. Besoek op 7 Oktober 2017.
- ↑ Report entitled "Madiba's statue to be unveiled today" gepubliseer deur SABC News en beskikbaar op YouTube sedert 8 Mei 2014.
- ↑ Danielle Wiener-Bronner, 2014. Why is there a rabbit inside the ear of this Mandela Statue? The Atlantic, 22 Januarie 2014. https://www.theatlantic.com/international/archive/2014/01/why-there-rabbit-inside-ear-mandela-statue/357269/ Besoek op 11 Februarie 2020
Eksterne skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
