Wikipedia

Stephen Albert

Stephen Joel Albert (6 Februarie 1941 – 27 Desember 1992)[1] was 'n Amerikaanse Komponis.

Stephen Joel Albert
Gebore6 Februarie 1941
Sterf27 Desember 1992
GenresKlassiek
Beroep(e)Komponis

Biografie

wysig

Hy is gebore in New York Stad en het as jongeling sy musikale opleiding op die klavier, Franse horing en trompet begin. Hy het eerstens komposisie op die ouderdom van vyftien gestudeer saam met Elie Siegmeister,[2] en het twee jaar later ingeskryf by die Eastman Musiekskool waar hy saam met Darius Milhaud en Bernard Rogers (1958–1960) gestudeer het.

Na lesse in komposisie in Stockholm met Karl-Birger Blomdahl, het Albert saam met Joseph Castaldo by die Philadelphia Musiekakademie gestudeer (BM 1962); en in 1963 het hy saam met George Rochberg gewerk by die Universiteit van Pennsilvanië.

In 1965 het hy 'n Rome Beurs/Prys gewen om te studeer in Rome by die Amerikaanse Akademie in Rome.[3]

Van 1985 tot 1988 het hy gewerk as die Seattle Simfonieorkes se Komponis in residensie.[1][4]

Van sy noemenswaardige studente sluit Daniel Asia in.

Albert het gesterf tydens 'n motorvoertuig ongeluk in Truro, Massachusetts by Cape Cod op 27 Desember 1992.[5][6][7]

Prys en toekennings

wysig

Stephen Albert het in 1985 die Pulitzerprys vir Musiek gewen vir sy Simfonie No. 1 (Albert)''RiverRun''.[5][6] Hy het postuum in 1995 'n Grammy gewen in die kategorie vir Beste Kontemporêre Komposisie vir sy Tjelloconcerto (Albert) soos opgevoer deur Yo-Yo Ma[8] in 'n 1990 opname met die Baltimore Simfonieorkes, wat gedirigeer was deur David Zinman.[9]

Aaron Jay Kernis het sy 1993 komposisie vir klavierkwartet, Still Movement with Hymn ter herinnering aan Albert opgedra.[10]

Die stadige beweging van Christopher Rouse (komponis) se 1994 Simfonie No. 2 (Rouse) is ook opgedra aan die herinnering van Albert, wat 'n kollega en nabye vriend van Rouse was.[11]

Werke

wysig

'n Aantal van sy werke was gebaseer op James Joyce se tekste, insluitende "Tapioca Pudding," "Winter Canticle", en "Ecce puer" van Joyce se gedig met dieselfde naam.[12]

Sy bekende Tjelloconcerto (Albert) het begin as 'n versoek deur die Baltimore Simfonieorkes in 1987 vir 'n vyftien-minuut orkestrale stuk. In 1988 was die versoek verander na 'n concerto vir Yo-Yo Ma. Die komponis het Ma aangeprys vir sy hulp met die voltooiing van die werk.

Albert het begin met materiaal wat verkry was vanaf twee vroeëre werke van 1988 naamlik, "Anthem and Processionals" en "The Stone Harp." Hy het in 1989 met die komponeer van die werk begin en was in 1990 daarmee klaar. Die buiging van die werk het op 31 Maart 1990 plaasgevind met Yo-Yo Ma as die solis saam met die Baltimore Simfonieorkes, gedirigeer deur David Zinman. 'n Gewysigde weergawe daarvan was deel van 'n 1993 plaat, "The New York Album."[12]

Volgens Yo-Yo Ma was die komposisie "'n tipe van 'n katarsis." Dit het van die stryde in sy lewe geïnkorporeer, insluitende die tydperke waartydens hy gely het aan Skrywersblok asook die dood van sy vader. Die werk is opgedra aan die herinnering van sy vader.[12]

Orkestraal

wysig

Concertante

wysig
  • Tjelloconcerto (Albert) (1990) – 30 minute
  • Distant Hills (orkestrale weergawe) (1989) – 31 minute
  • Flower of the Mountain van "Distant Hills" (orkestrale weergawe) (1985) – 16 minute
  • In Concordiam (1986) – 17 minute
  • Into Eclipse (orkes met stemweergawe) (1981) – 30 minute
  • Sun's Heat from "Distant Hills" (orkesweergawe) (1989) – 15 minute
  • Winter Canticle (1991) – 14 minute
  • Wolf Time (1968) – 20 minute

Ensemble (7 of meer spelers)

wysig
  • Distant Hills (kamerorkes weergawe) (1989) – 31 minute
  • Flower of the Mountain from "Distant Hills" (kamerorkes weergawe) (1985) – 16 minute
  • Sun's Heat from "Distant Hills" (kamerorkes weergawe) (1989) – 15 minute
  • TreeStone (1983) – 45 minute

Kamerorkes

wysig
  • Tribute (1988) – 9 minute

Koorwerke

wysig
  • Bacchae: 'n Seremonie in Musiek (1967) – 8 minute

Vokale werke

wysig
  • Ecce Puer (1992) – 6 minute
  • Rilke Song – On Nights Like This (1991) – 5 minute
  • The Stone Harp (1988) – 14 minute
  • To Wake the Dead (1977) – 25 minute
  • Wedding Songs (1964) – 10 minute

Onderhoude

wysig

Verwysings

wysig
  1. ↑ 1,0 1,1 Randel, Don Michael, ed. (1996). "Albert, Stephen (Joel)". The Harvard biographical dictionary of music. Cambridge, Mass.: Belknap Press of Harvard Univ. Press. p. 11. ISBN 0-674-37299-9. {{cite book}}: |first= has generic name (hulp)AS1-onderhoud: meer as een naam (link)
  2. ↑ "Albert, Stephen Joel". Who Was Who in America, 1993–1996, vol. 11. New Providence, N.J.: Marquis Who's Who. 1996. p. 3. ISBN 0-8379-0225-8.
  3. ↑ "History of the Rome Prize in Music Composition" (PDF). Geargiveer vanaf die oorspronklike (PDF) op 4 Maart 2016. Besoek op 13 Februarie 2015.
  4. ↑ "Stephen Albert" (in Engels). G. Schirmer Inc. Oktober 1996. Geargiveer vanaf die oorspronklike op 1 April 2013. Besoek op 28 Desember 2011.
  5. ↑ 5,0 5,1 Kozinn, Allan (29 Desember 1992). "Stephen J. Albert, 51, Composer; Won a Pulitzer for His 'Riverrun'". The New York Times (in Engels). Geargiveer vanaf die oorspronklike op 21 Oktober 2019. Besoek op 5 April 2015.
  6. ↑ 6,0 6,1 "Stephen Albert". Variety (in Engels). 4 Januarie 1993. Geargiveer vanaf die oorspronklike op 30 April 2019. Besoek op 5 April 2015.
  7. ↑ Wigler, Stephen (29 Desember 1992). "Stephen Albert, his melodious music helped define the 'New Romanticism'". The Baltimore Sun (in Engels). Geargiveer vanaf die oorspronklike op 28 Junie 2018. Besoek op 9 Mei 2015.
  8. ↑ "The 1995 Grammy Winners". The New York Times. 3 Maart 1995. Besoek op 8 Junie 2015.
  9. ↑ Grayson, David. Liner notes to "The New York Album." 1994.
  10. ↑ Kernis, Aaron Jay (1988). "Still Movement with Hymn" (in Engels). G. Schirmer Inc. Geargiveer vanaf die oorspronklike op 17 April 2019. Besoek op 1 Junie 2016.
  11. ↑ Rouse, Christopher. Symphony No. 2: Program Note by the Composer. 1994. Retrieved 5 April 2015.
  12. ↑ 12,0 12,1 12,2 Grayson, David.
  13. ↑ Price, Walter (23 April 1989). "STEPHEN ALBERT: Symphony "RiverRun"; National Symphony..." Los Angeles Times. Besoek op 9 Mei 2015.
  14. ↑ Dickinson, Peter (Junie 1990). "Albert In Concordiam; Treestone". Gramophone (in Engels). Geargiveer vanaf die oorspronklike op 17 April 2019. Besoek op 9 Mei 2015.
  15. ↑ Schwartz, Steve (Augustus 2007). "ALBERT: Symphony No. 1 'RiverRun'. Symphony No. 2. – Russian Philharmonic Orchestra/Paul Polivnick". Classical CD Review (in Engels). Geargiveer vanaf die oorspronklike op 23 Maart 2017. Besoek op 9 Mei 2015.

Eksterne skakels

wysig
Ontsluit van "https://af.wikipedia.org/w/index.php?title=Stephen_Albert&oldid=2635402"