'n Stoomkoker is 'n huishoudelike toestel waarin kos met stoom gaargemaak word. Stoomgaar het veral in die kookkuns van oosterse beskawings, onder meer China en Japan, 'n lang tradisie. Hier het argeoloë op die oudste bekende stoomgaarmaakpotte en -mandjies afgekom. Ook in vulkaniese streke van Nieu-Seeland, soos Rotorua en Bay of Plenty, het inheemse Maori die stoom van geotermiese warmwaterbronne al vroeg gebruik om kos te kook wat in mandjies in die stoom gehang is.[1]

Chinese dim-sum-geregte word in bamboesmandjies in 'n pot geplaas waarin water verhit word en in die stoom, wat opstyg, gaargemaak
Elektriese stoomkokers in 'n winkel in Hongkong. Hulle is geskik vir die stoomgaarmaak van aartappels, groente, rys en vis. Sekere soorte vleis mag eweneens gestoom word, maar daar word geen braai-effek verkry nie
'n Ultramoderne stoomdruk-snelkookpot van die Duitse vervaardiger WMF. Hier word twee gaarmaakmetodes - drukkook en stoomgaar - met mekaar gekombineer
Die stoomgaarmetode het al eeue lank 'n vaste plek in die Chinese kookkuns. Hiervoor word bamboeshouers in 'n pot met kokende water geplaas sodat groentes en geregte soos dim-sum in die stoom gaar word
Rys word in mandjies gestoom in Luang Prabang, Laos
'n 17de eeuse Franse stoomdruk-kookpot met ventiel vir privaat huishuishoudings, ontwikkel deur Denis Papin
Maori-vroue en -kinders maak kos in geotermiese stoom gaar
Skildery deur Ellen von Meyern, olieverf op karton, 1903

In Europa het die stoomgaarmaakmetode in die 17de eeu belangstelling gewek toe die Franse uitvinder, fisikus en wiskundige Denis Papin (1647−1710) in 1674 die eerste stoomdruk-snelkookpot ontwikkel het. Moderne stoomdruk-snelkookpotte is vir die eerste keer in 1927 in Duitsland bemark. Hulle het vanaf die 1960's hoogty gevier. In die 1970's is professionele stoomkokers vir die restaurantbedryf ingevoer.

DrukstoomkokersWysig

Ingeboude drukstoomkokers word as ooghoogteoonde deur die Duitse vervaardiger Miele aangebied. Vis en groente word hier teen temperature van tussen 101 en 120 °C en onder druk gaargemaak. In vergelyking met konvensionele stoomkokers verminder drukstoomkokers kooktye met sowat vyftig persent. Hierdie toestelle benodig 'n varswateraansluiting om stoom op te wek.

VerwysingsWysig

Sien ookWysig

Eksterne skakelsWysig