Konveksiestoomkoker

'n Konveksiestoomkoker is 'n gaarmaaktoestel wat in twee variante aangebied word - vir professionele gebruik in restaurante en soortgelyke instellings en, as kleiner variant, vir privaat huishoudings. Gekombineerde stoomkokers met konveksieoond is geskik vir die gaarmaak van kos in droë hitte (soos in konveksie-oonde) sowel as vogtige hitte (soos in gewone stoomkokers). Spesiale gaarprogramme kan outomaties afwisselend gebruik maak van albei metodes; ook kan temperatuur en vogtigheid (in persent) vir elke gereg aangepas word. Terwyl groentes en aartappels vinnig gestoom kan word (en beter smaak omdat hulle nie regstreeks in aanraking kom met water nie sodat minder vitamiene en voedselstowwe verlore gaan, geen vet of sout benodig word nie, terwyl vorm en kleur onveranderd bly), is kombinasietoestelle ook in staat om vleis te braai en enige soort kos te bak.

'n Gekombineerde konveksiestoomkoker met ses rakke
'n Kombinasie-bakoond met konveksie en stoom vir privaat huishoudings, vervaardig deur die Switserse onderneming V-Zug. Die waterhouer vir stoombak of stoomgaar is regs te sien. Die regenerasie van disse met stoom (vogtige hitte) teen 80 tot 100 °C lewer gewoonlik beter resultate as die herverhitting in 'n mikrogolfoond. Brood, wat in stoom gebak word, kry 'n perfekte kors sonder om tydens die bakproses uit te droog

Tegniese varianteWysig

Ten opsigte van die tegnologie wat gebruik word om stoom te genereer is daar twee verskillende variante van konveksiestoomkokers:

  • Kokers waarin oondruimte en stoomopwekker van mekaar geskei is - hier word stoom van die opwekker na die oondruimte gevoer.
  • Kokers met 'n inspuitstelsel - water word in die oondruimte gespuit waar dit verdamp.

Eksterne skakelsWysig

Wiki-webtuistes

Tegnologie