Streepmuis

Die Streepmuis (Rhabdomys pumilio) is 'n muis wat oor die hele Suid-Afrika voorkom behalwe in die grootste gedeelte van Limpopo en die noorde van KwaZulu-Natal.

Streepmuis
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Rodentia
Familie:	Muridae
Genus:	Rhabdomys
Spesie:	R. pumilio
Binomiale naam
Rhabdomys pumilio (Sparrman, 1784)

Voorkoms

Die streepmuis is bleek rooibruin in die weste tot donker grysbruin in die ooste van die gebied waarin hy voorkom. 'n Kenmerk van die soogdiertjie is die vier strepe op die rug. Die streepmuis is daglewend en word tot 19 cm lank en weeg 30 - 55 g.

Habitat en gewoontes

Die knaagdier woon in grasryke dele in halfwoestyn tot bergwêreld met hoë reënval en is daglewend. Die streepmuis grawe gate onder ou gras of by die basis van 'n bos met voetpaadjies na die weigebied. Hulle eet sade en ander plantmateriaal. Daar word gewoonlik 5 tot 6 kleintjies in die somer gebore.

Sien ook

• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

Bron

• Die Soogdiergids van Suider-Afrika. Burger Cillié. 2009. ISBN 978-1-875093-46-5