Strydende Solidariteit

Strydende Solidariteit (Pools: Solidarność Walcząca, dikwels afgekort tot SW) was 'n ondergrondse antikommunistiese organisasie, wat in die tagtigerjare in Pole bestaan het as 'n radikale faksie binne die verbode vakverbond Solidariteit.

Onwettige posseëls van Strydende Solidariteit met 'n afbeelding van Kornel Morawiecki. Dit is nie op briewe gebruik nie, maar om finansiële steun te werf.

Plakaat van Strydende Solidariteit

Die groepering word in Junie 1982 in Wrocław opgerig deur die dissident Kornel Morawiecki. Dit was as gevolg van 'n direkte reaksie op die verbod van 'n vrye vakverbond Solidariteit na die invoering van die staat van beleg in Desember 1981 en die onderdrukking wat hierop gevolg het. Die organisasie sien homself as opvolger van die ondergrondse verset ten tyde van die Tweede Wêreldoorlog en gebruik 'n vergelykbare simbool: die kotwica ('n anker in die vorm van 'n letter W, wat vir sowel wolność "vryheid" as walka "stryd" staan) uitlopend in 'n letter S (van Solidarność), in kombinasie met die Poolse adelaar voorsien van 'n kroon, wat destyds as symbool gegeld het van 'n onafhankelike, nie-kommunistiese Pole. Die doel van Strydende Solidariteit was om kommunisme in Pole te vernietig. Hoewel dit 'n radikale groep was met 'n militante reputasie, neem Strydende Solidariteit afstand van geweld of terrorisme. Die organisasie lê hom veral toe op die publisering van ondergrondse publikasies, propaganda, infiltrasie- en inligtingswerk. Ook ondersteun Strydende Solidariteit ondergrondse groepe in die Sowjet-Unie, onder meer in die Baltiese state.

Na die omwenteling vorm lede van Strydende Solidariteit 'n politieke party, die Party van Vryheid (Partia Wolności), wat tydens die parlementsverkiesing van 1991 egter geen setels wen nie. In 1993 gaan die groep op in die Beweging vir die Republiek (RdR) van oud-premier Jan Olszewski en later na die Beweging vir die Heropbou van Pole (ROP). Morawiecki sou self tweemaal as kandidaat staan vir die presidentskap van Pole. In 1990 kry hy egter nie genoeg handtekeninge versamel om aan die verkiesing deel te kan neem nie, in 2005 behaal hy slegs 0,13% van die stemme. 'n Voormalige aktivis van Strydende Solidariteit wat wel sukses behaal is Grzegorz Schetyna (visepremier 2007-2009, voorsitter van die Sejm 2010-2011, waarnemende president van Pole in 2010).

Bronne

• Alfred Znamierowski, Zaciskanie Pięści. Rzecz o „Solidarności Walczącej”, Editions Spotkania, Paris 1988. ISBN 2-86914-038-X.
• Andrzej Kołodziej, Roman Zwiercan, ...o godność i wolność. Po prostu... Solidarność Walcząca w Trójmieście w latach 1982–1990, Wyd. Magnes, Kościerzyna 2010, ISBN 978-83-62118-00-7.