Wrocław

Wrocław
Breslau
Wrocław Collage.png

Kaart Wapen
Wroclaw Mapa.png
Herb wroclaw.svg
Vlag
POL Wrocław flag.svg
 Land Vlag van Pole Pole
 Woiwodskap POL województwo dolnośląskie flag.svg Neder-Silesië
 Koördinate 51°7′N 17°2′O / 51.117°N 17.033°O / 51.117; 17.033
 Stigting (eerste verwysing) Omstreeks 900
 Stadstatus 1261
 Oppervlakte:  
 - Totaal 292,92 vk km
 Hoogte bo seevlak 105–155 m
 Bevolking:  
 - Totaal (31 Desember 2020) 641 928[1]
 - Bevolkingsdigtheid 2 190/vk km
 - Metropolitaanse gebied 1 250 000
 Tydsone UTC +1 (MET)
 - Somertyd UTC +2 (MEST)
 Klimaat  
 - Tipe Kontinentaal-gematig
 - Gemiddelde jaarlikse temperatuur 8,3 °C[2]
 - Gem. temp. Januarie/Julie -1,8 / 17,6 °C
 - Gemiddelde jaarlikse neerslae 591 mm
 Burgemeester Jacek Sutryk
 Amptelike webwerf www.wroclaw.pl

Wrocław (Pools: [ˈvrɔt͡swaf], ; Duits: Breslau; Silesiese Duits: Brassel; Latyn: Vratislavia of Wratislavia), is die vierde grootste stad van Pole met 'n bevolking van byna 642 000, die administratiewe hoofstad van die woiwodskap Neder-Silesië en van die gelyknamige landelike distrik. Wrocŀaw fungeer as setel van 'n Rooms-Katolieke aartsbiskop, 'n Evangelies-Lutherse diosesaanbiskop, en met talle akademiese instellings en navorsingsinstitute asook teaters en museums, as die kulturele en wetenskaplike sentrum van Silesië. Wrocław was een van die gasheerstede tydens die Europese Sokkerkampioenskap 2012 wat Pole en Oekraïne saam aangebied het.

Wrocław in die 17de eeu
Die raadsaal van Wroclaw in 1900

Die stad is aan die Oder-rivier en in die sentrum van 'n belangrike landbou- en mynbougebied geleë. Sy belangrikste nywerhede sluit masjienbou en metaalverwerking in.

Wrocław/Breslau word as hoofstad van die gewes Silesië beskou en was tussen 1919 en 1945 ook die hoofstad van die nuutgestigte Pruisiese provinsie Neder-Silesië. Voor hierdie periode was Wrocław die hoofstad van die provinsie Silesië en het – in die tydperk van die Nasionaalsosialisme – as administratiewe sentrum van die Reichsgau Neder- en Sentraal-Silesië gedien.

In 1945 het Wrocław onder Poolse administrasie gekom en die oorspronklike Duitse bevolking is verdryf. Poolse setlaars en burgers wat deur die Sowjet-owerheid uit Lemberg en ander gebiede van die vroeëre Oos-Pole verdryf is, het hier 'n nuwe tuiste gevind. Wrocław het later die hoofstad van die gelyknamige woiwodskap en in 1999 die hoofstad van die woiwodskap Neder-Silesië geword.

Wrocław se inwonertal het omstreeks 1840 die 100 000-kerf verbygesteek, en dit was in die 19de eeu 'n tyd lank die grootste stad van Duitsland ná Berlyn en Hamburg.

VerwysingsWysig

  1. (pl) "Local Data Bank". Statistiek Pole. Besoek op 16 Oktober 2021.
  2. (de) www.klimadiagramme.de: Breslau

Eksterne skakelsWysig