Die Swastikasteen is 'n klip met 'n ontwerp wat baie soos 'n swastika lyk en op die Woodhouse-krans aan die noordekant van Ilkley Moor in Wes-Yorkshire, Engeland, geleë is. Die ontwerp het 'n dubbele buitelyn met vier gekromde arms en 'n aangehegte S-vorm; elk omring 'n klein, ronde holte. Soortgelyke holtes word op ander klippe daarnaby aangetref.

Die ontwerp van die steen.
'n Foto van die steen, 'n replika daarvan en die uitsig vanaf die Woodhouse-krans.

Dit lyk baie soos die Rosa camuna-ontwerpe van Italië. Daar is 'n moontlikheid dat Kelte tydens die Romeinse besetting 'n paar honderd jaar v.C. deur die gebied beweeg het waar die Rosa camuna-ontwerpe geleë is, die swastikaontwerp as deel van hulle stamsimbolisme oorgeneem en dit op rotse uitgekrap het toe hulle in Ilkley gestasioneer was.[1]

Verwysings wysig

  1. Hickes, Martin. "Shedding New Light On Ilkley's Swastika Stone". Geargiveer vanaf die oorspronklike op 2 Desember 2022. Besoek op 14 Junie 2016.

Skakels wysig

Koördinate: 53°55′08″N 1°51′43″W / 53.91889°N 1.86194°W / 53.91889; -1.86194