Swjatoslaf II van Kiëf
Swjatoslaf II (Russies: Святослав Ярославич; 1027–1076) het van 1073 tot met sy dood as grootprins oor Kiëf-Roes regeer. Hy was die seun van Jaroslaf die Wyse.
| Swjatoslaf II | |
|---|---|
| Grootprins van Kiëf | |
 Swjatoslaf II van Kiëf en sy familie
| |
| Periode | 1073–1076 |
| Voorganger | Isjaslaf I |
| Opvolger | Wsewolod I |
| Huis | Rjoerik |
| Vrou | Kilikia Oda |
| Kinders | Oleg, Gleb, Roman Dawid, Jaroslaf |
| Vader | Jaroslaf die Wyse |
| Moeder | Irene |
| Gebore | 1027 |
| Oorlede | 1076 |
Ná die dood van sy pa het hy en sy broers Wsewolod en Isjaslaf saamgespan en Kiëf-Roes tot in 1072 regeer. In 1067 het hulle Wseslaf van Polotsk verslaan en hom gevange geneem. ’n Jaar later is die broers egter deur Polotsk verslaan. Ná ’n ruk het Swjatoslaf met ’n kleiner leër teruggekeer en Polotsk verslaan, wat sy aansien by die bevolking aansienlik laat styg het.
Swjatoslaf se eerste vrou se naam was Kilikia; sy was moontlik ’n Kaukasiese prinses. Hul seuns was Oleg, Gleb, Roman en Dawid. In 1072 is hy met Oda, ’n dogter van ene graaf Lippold, getroud. Hulle het ’n seun, Jaroslaf, en moontlik ’n dogter gehad.
In 1073 het daar ’n einde gekom aan die gesamentlike mag toe Swjatoslaf, met sy jonger broer Wsewolod se steun, sy broer Isjaslaf van sy mag ontneem en self sy plek inneem.
Drie jaar later is die Izbornik Swjatoslawa op sy versoek saamgestel. Dit is een van die oudste Oud-Oos-Slawiese tekste en is ’n versameling artikels oor grammatika, logika, poësie, raaisels en kerklike tekste. Die boek bevat ’n miniatuur van Swajatoslaf self, saam met sy tweede vrou, Oda, en sy seuns.
Verwysings
wysig- Hierdie artikel is merendeels vertaal vanaf die Nederlandse Wikipedia-artikel nl:Svjatoslav II van Kiev