Teenpous Theodoricus
Theodoricus of Theodorik[1] was 'n teenpous in die Rooms Katolieke Kerk van 9 September 1100 tot Januarie 1101. Na Teenpous Clemens III was hy die tweede teenpous teen Pous Paschalis II.
| Teenpous Theodoricus | |
|---|---|
| Sterfdatum | ongeveer 1102 |
| Sterfplek | Salerno |
| Teenpous van | Pous Paschalis II |
| Begin van pontifikaat | 9 September 1100 |
| Einde van pontifikaat | Januarie 1101 |
Biografie
wysigTheodoricus[2] was 'n monnik in die Orde van die Benediktyne in die klooster van SS. Trinita della Cava in Salerno en word later ab. In 1084 word Theodoricus deur teenpous Clemens III aangestel as kardinaal-diaken van Santa Maria in Via Lata en kort daarna as kardinaal-biskop van Albano. As gevolg van 'n fout in die “Annales Romani” word hy soms ten onregte as biskop van Santa Rufina aangedui. In 1098 lei Theodoricus 'n gesantskap na die Duitse keiser Hendrik IV.
Na die dood van Clemens III kies sy aanhangers vir Theodoricus as pous. Hy word in die geheim gekroon in die nag van 9 na 10 September 1100. In teenstelling met die meeste pouse het hy sy eie naam behou as pous. Theodoricus hou Rome in hande vir 'n paar maande na sy verkiesing. Toe Paschalis egter in Januarie 1101 uit Suid-Italië terugkeer word hy gedwing om te vlug. Paschalis se troepe het hom egter agterna gesit en gevang. Paschalis het Theodoricus gevange geset in die klooster “La Cava” by Salerno. Theodoricus het in die klooster gesterwe en is ook daar begrawe. Sy aanhangers kies Albertus van Sabina as sy opvolger.
Verwysings
wysig- ↑ Penn, Imma (2007) Dogma Evolotion and Papal Fallacies. P. 233. AuthorHouse
- ↑ Miranda, S., The Cardinals of the Holy Roman Church. [1] Geargiveer 9 Februarie 2012 op Wayback Machine
| Hierdie artikel is in sy geheel of gedeeltelik vanuit die Nederlandse Wikipedia vertaal. |
