Tekslêer

'n Tekslêer is 'n tipe rekenaarlêer en elektroniese dokument wat as 'n reeks lyne van teks in elektroniese formaat gestoor word. 'n Tekslêer bestaan binne 'n rekenaarlêerstelsel. Soms word daar aan die einde van 'n tekslêer een of meer spesiale karakters geplaas om die einde van die lêer aan te dui. Hierdie karakters staan as einde-van-lêer-karakters (Engels: end-of-file characters of EOF characters) bekend en was vereis onder CP/M- en MS-DOS-bedryfstelsels. In moderne bedryfstelsels soos Windows en Unix-soortige stelsels word einde-van-lêer-karakters nie meer gebruik nie.