The Verve
The Verve was 'n Britpop- en rockgroep wat in 1989 gestig is. Die groep het in 1997 beroemdheid verwerf met hul treffer Bitter Sweet Symphony.
The Verve | |
|---|---|
 The Verve op Pinkpop 2008 te Landgraaf. | |
| Agtergrondinligting | |
| Oorsprong | Wigan, Engeland |
| Genres | Space rock, britpop, rock |
| Jare aktief | 1990–1995 1996-1999 2007–2009 |
| Etikette | Hut Records, Virgin Records, Vernon Yard |
| Webwerf | www.theverve.co.uk |
| Lede | Richard Ashcroft Nick McCabe Simon Jones Peter Salisbury |
| Gewese lede | Simon Tong |
Stigting en sukses
wysigThe Verve is in 1989 deur Richard Ashcroft in die Britse stad Wigan gestig. Die groep het vinnig bekendheid verwerf, danksy Ashcroft se lirieke en die kitaarspel van Nick McCabe. In 1992 is die groep se eerste langspeler vrygestel, naamlik Verve EP (Hut Records), wat as een van die mees eksperimentele Verve-albums ooit beskou word. Hierna is albums uitgereik wat die stryd met groepe soos Oasis, Blur en Radiohead aangesê het.
Dwelmdramas, regsaksies en gesondheidsprobleme het die groep geteister, maar The Verve het vier albums uitgereik en wêreldwyd verskeie treffers gehad. Desondanks het die groep in 1999 hul einde aangekondig.
Onderbreking
wysigNá die opbreek van The Verve het kitaarspeler Simong Tong en baskitaarspeler Simon Jones, tesame met John Squire, die groep The Shining gestig. Hierdie groep het egter nooit die lig gesien nie. Tong het indertyd ook die permanente kitaarspeler Graham Coxon in die groep Blur vervang.
Die vaste kitaarspeler van The Verve, Nick McCabe, het homself meestal op die agtergrond gehou. Enkele kere het hy egter tog op die verhoog verskyn met The Music.
Die tromspeler Peter Salisbury het enkele male met Richard Ashcroft saamgewerk en het bowendien in 2004 tydelik lid van Black Rebel Motorcycle Club geword.
The Verve-stigter Ashcroft het naas bogenoemde Salisbury ook enkele musikale proeflopies met B.J. Cole gehad. In April 2000 is sy eerste solo-enkelspeler uitgereik, A Song for the Lovers, wat die nommerdrie-posisie op die Engelse Top 40-ranglys gehaal het. Die CD's wat hierop gevolg het, het geen sukses behaal nie. Op 2 Julie 2005 het Richard Ashcroft nog een keer opgeval toe hy op die Live 8-fees, in samewerking met Coldplay, die nommer Bitter Sweet Symphony uitgevoer het.
Terugkeer
wysigNadat die groep in April 1999 ontbind het, het hulle in Junie 2007 'n terugkeer aangekondig. Aan die einde van die somer van 2008 is 'n nuwe album uitgereik, en in November het die groep 'n musiektoer deur Engeland en Skotland onderneem. Die groep het op Saterdag 31 Mei 2008 op Pinkpop en op 4 Julie op Rock Werchter opgetree. Op 4 Augustus 2008 het die nuwe enkelspeler van The Verve, genaamd Love is Noise, verskyn. Rather Be was die tweede enkelspeler van die nuwe album en het in November 2008 verskyn.
Derde opbreek
wysigOp 8 Augustus 2008 het dit bekend geword dat The Verve vir die derde keer uitmekaar gespat het. Kitaarspeler Nick McCabe en baskitaarspeler Simon Jones het Richard Ashcroft daarvan beskuldig dat hy die reünie vir sy soloprojekte gebruik het. Daarnaas het 'n "bron" in die Sunday Mirror die spanninge tussen Ashcroft en die kitaarspeler en baskitaarspeler verder beskryf:
|
Sover dit Nick en Simon betref, bestaan The Verve nie meer nie. Hulle dink Richard het die reünie bloot as 'n medium gebruik om sy sololoopbaan op dreef te kry. Hul bestuur het Simon en Nick vir 'n krisisvergadering in September ingeroep. Aan hulle is vertel dat Richard geweier het om weer saam met hulle te toer of te werk solank as wat Nick aanhou drink het. Hy het sy storie gou reggekry. Daar was te veel probleme vir hulle om agter hulle te plaas. As Richard terug sou kom met 'n hoed in sy hand, sou hulle aan hom sê om te fôkof. |
|
Eksterne skakels
wysig- Amptelike webwerf Geargiveer 30 Desember 2005 op Wayback Machine (en)
- The Verve live (en)
- The Verve Info (en)
- Sit And Wonder - The Verve-aanhangerstuiste (en)