Theodosius III van Bisantium
Theodosius III (Grieks: Θεοδόσιος Γ΄, Theodosios III) was die Bisantynse keiser van 715 tot 25 Maart 717. Hy was ’n belastinggaarder wat ná ’n opstand deur soldate teen Anastasius II tot keiser verklaar is. Hy wou aanvanklik nie troon aanvaar nie, maar het dit eindelik in Mei 715 gedoen.
| Theodosius III | |
|---|---|
| Keiser van die Bisantynse Ryk | |
 ’n Muntstuk wat Theodosius III uitbeeld.
| |
| Bewind | Mei 715 – 25 Maart 717 |
| Tydperk | 20 jaar van anargie |
| Voorganger | Anastasius II |
| Opvolger | Leo III |
Min is bekend van Theodosius se kort bewind. Hy het onmiddellik voor aanvalle deur die Moslemse Arabiere te staan gekom. Hulle het tot diep in Anatolië binnegedring. In 716 het hy ’n verdrag met Tervel van Bulgarye gesluit wat gunstig vir die Bulgare was in ’n poging om hul steun teen die Arabiese inval te wen. Dit het daartoe gelei dat hulle die Bisantyne in 719 gehelp het in die beleg van Konstantinopel.
In 717 het Leo die Isauriër teen Theodosius se bewind gerebelleer. Hy het Theodosius se seun gevange geneem en Theodosius het op 25 Maart 717 geabdikeer. Hy en sy seun het daarna geestelikes geword.
Daar is geglo Theodosius het teen 729 die biskop van Efese geword. Moderne historici meen egter die biskop was eintlik sy seun, ook Theodosius .
Bronne
wysig- The Oxford Dictionary of Byzantium, Oxford University Press, 1991.
Hierdie artikel is vertaal uit die Engelse Wikipedia
