Theophilus van Bisantium

Theophilos (Grieks: Θεόφιλος; 813 – 20 Januarie 842) was die Bisantynse keiser van 829 tot met sy dood in 842. Hy was die seun van keiser Michael II en sy vrou Thekla. Sy pa het hom in 822 as medekeiser gekroon kort nadat hy die troon bestyg het. Ná sy dood op 2 Oktober 829 het Theophilus die alleenheerser geword.

Theophilus
Keiser van die Bisantynse Ryk
Theophilus (regs) uitgebeeld op die keersy van ’n munt van sy pa, Michael II.
Theophilus (regs) uitgebeeld op die keersy van ’n munt van sy pa, Michael II.
Bewind 2 Oktober 82920 Januarie 842
Dinastie Frigiese
Gebore 813
Oorlede 20 Januarie 842
Voorganger Michael II
Opvolger Michael III
Eggenote Theodora
Kinders Konstantyn, Michael III, Maria, Thekla, Anna, Anastasia, Pulcheria
Vader Michael II
Moeder Thekla

Hy was die tweede keiser van die Frigiese Dinastie en het sy leërs persoonlik aangevoer in sy lewenslange oorlog teen die Moslemse Arabiere, wat in 831 begin het.

Theophilus is op 20 Januarie 842 dood nadat sy gesondheid ’n ruk lank agteruitgegaan het. Sommige historici beskou hom as een van die bekwaamste Bisantynse keisers en ander as ’n doodgewone man wat nie baie doeltreffend regeer het nie. Daar is egter geen twyfel dat hy dapper was nie. Hy het ook korrupsie en onderdrukking deur sy amptenare gestuit.

Ondanks die koste van sy oorloë en groot bedrae wat bestee is aan geboue, die handel en nywerheid, was die ryk se finansies uitstekend, waarskynlik vanweë die doeltreffende administrasie van die departement.

Gesin wysig

Hy en sy vrou, Theodora, het sewe kinders gehad:

  • Konstantyn, medekeiser van omstreeks 833 tot met sy dood omstreeks 835.
  • Michael III, wat hom opgevolg het
  • Maria
  • Thekla
  • Anna
  • Anastasia
  • Pulcheria

Verwysings wysig

  • The Oxford Dictionary of Byzantium, Oxford University Press, 1991.
  • Haldon, John (2008). The Byzantine Wars. The History Press.
  • Treadgold, Warren (1997). A History of the Byzantine State and Society. The Stanford Press.
  • Runciman, Steven (1930). A history of the First Bulgarian Empire. Londen: G. Bell & Sons. {{cite book}}: Ongeldige |ref=harv (hulp)
  •   Hierdie artikel is vertaal uit die Engelse Wikipedia