Tinus de Jongh

Martinus Johannes de Jongh, meer bekend as Tinus (31 Januarie 1885, Amsterdam – 17 Julie 1942, Bloemfontein) was 'n bekende Suid-Afrikaanse skilder.

Tinus de Jongh
Gebore	Martinus Johannes de Jongh 31 Januarie 1885 Amsterdam
Sterf	17 Julie 1942 Bloemfontein
Nasionaliteit	Suid-Afrika
Beroep	Skilder
Bekend vir	Skilderye

Boerdery tussen bome, deur Tinus de Jong.

Hy was eers verbied deur sy ouers om te skilder, maar hy het homself leer skilder en begin sy loopbaan as versierder in Nederland. Daarna het hy die beroep voltyds beoefen. Sy eerste sukses was toe die Stedelijk Museum in Amsterdam een van sy eerste skilderye gekoop het. Hy arriveer in 1921 in Suid-Afrika en vestig hom in Kaapstad. Sy eerste skilderye hier was sober, getipeer deur sy skildery Still lewe met voëls en haas. Die lig en landskappe van Suid-Afrika vang sy oog en hy verander sy styl. Hy skilder later met 'n paletmes. Louis Woolf het as sy agent opgetree en honderde van sy skilderye verkoop.

Hy sterf op 17 Julie 1942 aan longkanker. Sy seun Gabriel de Jongh was ook 'n bekende landskapskilder.

Sien ook

• Lys van Suid-Afrikaanse kunstenaars

Bronne

• http://artdealers.co.za/tinus-de-jongh/
• http://www.absolutart.co.za/masters/tinus-de-jongh

Eksterne skakels

• Wikimedia Commons het meer media in die kategorie Tinus de Jongh.