Trần Đại Quang
Trần Đại Quang (12 Oktober 1956 - 21 September 2018) was 'n Viëtnamese politikus wat die agtste president van Viëtnam was, in sy amp van 2 April 2016 tot sy dood in 2018. Trần Đại Quang is verkies tot die pos deur die Nasionale Vergadering van Viëtnam, en benoem deur sy voorganger Trương Tấn Sang wat uitgetree het uit kantoor. Trần Đại Quang was een van die land se topleiers, saam met die Sekretaris van die Kommunistiese Party, Nguyễn Phú Trọng (die de facto-leier).
Trần Đại Quang was voorheen minister van Openbare Veiligheid van 2011 tot 2016, vise-hoof van die komitee vir die voorkoming van MIV / vigs van 2011 tot 2014, en president van die Rooi Kruisvereniging Viëtnam van 2017 tot 2018. Hy was lid van die 12de Politburo van die Kommunistiese Party van Viëtnam, waarin hy tweede was, na sekretaris-generaal Nguyễn Phú Trọng.
Trần Đại Quang het op 26 Julie 1980 by die Kommunistiese Party van Viëtnam aangesluit en op 26 Julie 198 amptelik partylid geword. En vanaf 1997 word hy lid van die Politburo van die Kommunistiese Party van Vietnam en lid van die Sentrale Komitee van die party.
Op die 12de Kongres van die Kommunistiese Party van Viëtnam in Januarie 2016 is Trần Đại Quang as president van die Sosialistiese Republiek Viëtnam benoem en op 2 April 2016 deur die Nasionale Vergadering van Viëtnam bevestig. Op daardie dag het hy Trương Tấn Sang opgevolg. Op dieselfde dag het hy Nguyễn Xuân Phúc voorgestel as die nuwe regeringshoof. Hy is op 21 September 2018 in die amp oorlede aan 'n virussiekte, 61 jaar oud.
Eksterne skakels wysig
Wikimedia Commons het meer media in die kategorie Trần Đại Quang.
