Trinomiale naam verwys in biologie na name wat in taksons laer as spesie gebruik word. Die naam bestaan uit drie dele en verskil in dierkunde en plantkunde.

In dierkunde wysig

By diere is daar net een rang onder spesie, en dit is subspesie. So is Coloeus monedula monedula een van die subspesies van die kerkkraai (Coloeus monedula).

In plantkunde wysig

Vir alge en plante is daar ’n onbepaalde aantal infraspesifieke range onder die vlak van spesie. Die sekondêre range onder spesie is variëteit en forma, en nog range kan gevorm word met die voorvoegsel "sub": subspesie, subvariëteit en subforma. In uitsonderlike gevalle kan nog range gevorm word, soos supersubspesie. Nie alle range hoef gespesifiseer te word nie; sommige skrywers verkies om plantspesies in subspesies te verdeel en ander verkies variëteite.[1]

Hierdie range is deel van ’n biologiese klassifikasie. So is Corylopsis sinensis var. calvescens f. veitchiana ’n ornamentele tuinplant.[2] ’n Naam verskil egter van ’n klassifikasie. Laasgenoemde sal ’n trinomiale naam wees (dus met drie dele):[3] die twee dele van die spesienaam, Corylopsis sinensis, plus die formanaam, veitchiana, dus Corylopsis sinensis f. veitchiana.

Sien ook wysig

Verwysings wysig

  1. Hamilton, C.W.; Reichard, S.H. (1992). "Current practice in the use of subspecies, variety, and forma in the classification of wild plants". Taxon. 41 (3): 485–498. doi:10.2307/1222819. JSTOR 1222819.
  2. "Royal Horticultural Society Plant Selector". Geargiveer vanaf die oorspronklike op 14 Desember 2019. Besoek op 7 Julie 2020.
  3. McNeill, J.; Barrie, F.R.; Buck, W.R.; Demoulin, V.; Greuter, W.; Hawksworth, D.L.; Herendeen, P.S.; Knapp, S.; Marhold, K.; Prado, J.; Prud'homme Van Reine, W.F.; Smith, G.F.; Wiersema, J.H.; Turland, N.J. (2012). International Code of Nomenclature for algae, fungi, and plants (Melbourne Code) adopted by the Eighteenth International Botanical Congress Melbourne, Australia, Julie 2011. Vol. Regnum Vegetabile 154. A.R.G. Gantner Verlag KG. ISBN 978-3-87429-425-6. article 24.1

Skakels wysig